Elimizdegi oqıǵaǵa baılanysty sheteldik kompanııalarda qandaı másele týyndaǵanyna qatysty aqparat jınaqtalýda
«Keshe ǵana Qazaqstan Prezıdenti bergen tapsyrmalarǵa sáıkes, Syrtqy ister mınıstrligi shet memleketterdiń resmı bılikterimen, halyqaralyq uıymdardyń basshylarymen turaqty baılanysta. Ózderińiz de biletindeı, sońǵy ýaqytta Memleket basshysy birqatar shet memlekettiń basshylarymen telefon arqyly sóılesti. Qazaqstandaǵy jaǵdaı boıynsha aqparat berdi. Halyqaralyq uıymdar, basqa da memleketter Qazaqstanda Memleket basshysy jáne Úkimet tarapynan terrorlyq shabýylǵa tótep berý úshin qabyldanyp jatqan is-sharalarǵa oń baǵa berilip, qoldaý kórsetip jatyr. Biraz memleket pen halyqaralyq uıymdar málimdemelerin jasady», - dedi QR Syrtqy ister mınıstrliginde uıymdastyrylǵan brıfıng barysynda Shahrat Nuryshev.
Sonymen qatar, ol Elshilikterimiz arqyly elimizdegi ahýal shet memleketterge jetkizilip jatqanyn aıtty.
«Ekinshi tapsyrma - Qazaqstanda ornalasqan dıplomatııalyq korpýstyń, sheteldik jýrnalısterdiń qaýipsizdigin qamtamasyz etý jáne shet memleketterdiń ınvestıtsııalaryn, olardyń elimizde bıznes nysandaryna qolǵabys kórsetý. Ózderińiz bileszider, Syrtqy ister mınıstrliginiń qaramaǵynda Investıtsııa komıteti jumys isteıdi. Munan bólek, «Qazaqınvest» ulttyq kompanııasy bar. Osy kompanııanyń óńirlerdegi jáne sheteldegi ókildikteri arqyly sheteldik kompanııalarda sońǵy ýaqytta elimizde bolǵan oqıǵalarǵa baılanysty qandaı máseleler týyndaǵanyna qatysty tolyq aqparat jınaqtap jatyrmyz», - mınıstrdiń birinshi orynbasary.
