Elimizdegi bólshek saýda kólemi 20,8% ósti

ASTANA. QazAqparat – Bıyl qańtarda Qazaqstandaǵy bólshek saýda kólemi 1 059,1 mlrd teńgege jetti. Bul ótken jyldyń tıisti kezeńimen salystyrǵanda 20,8%-ǵa artyq. Al saýdamen aınalysatyn kásiporyndardyń taýarlardy bólshek saýdada ótkizý kólemi 32,6%-ǵa ósti. Bul týraly QazAqparat tilshisi Ulttyq statıstıka bıýrosyna silteme jasap habarlaıdy.

Bıýro dereginshe, azyq-túlik taýarlarynyń bólshek saýdadaǵy jalpy úlesi - 27,6%, al ózge de taýar túrleri boıynsha - 72,4%.

Myna taýar túrlerin satý boıynsha eń kóp ósim tirkeldi:

- farmatsevtıkalyq taýarlar;

- motor otyny;

- avtomobıl, avtomobıl bólshekteri;

- nan-toqash, unnan jasalǵan jáne kondıterlik ónimder;

- toqyma jáne shulyq buıymdary, kıim;

- kompıýterler;

- kosmetıkalyq taýarlar men jeke gıgıena quraldary.

Qosa keteıik, buǵan deıin Ulttyq statıstıka bıýrosy bıyl jaldamaly páter quny 2,5%-ǵa tómendegenin málimdep edi.