Elimizde ulttyq sportpen aınalysatyndardyń úlesi artty

ASTANA. QazAqparat -Álemdik etnosport oıyndaryn Qazaqstan Táýelsizdiktiń 30 jyldyǵy qarsańynda ótedi. Bul týraly QR Mádenıet jáne sport mınıstri Arystanbek Muhamedıuly aıtty, dep habarlaıdy QazAqparat tilshisi.

«Elimizde ulttyq sport túrleri qarqyndy damyp keledi. Ulttyq sport túrlerimen aınalysýshylardyń úlesi 2013 jylǵy 5,9 paıyzdan 2016 jyly 6,6 paıyzǵa artty. Ulttyq sport túrleri boıynsha respýblıkada 9 mamandandyrylǵan sport klýby, 10 sport mektebi jáne Astana qalasynda ulttyq jáne at sporty túrleri ortalyǵy jumys istep jatyr», - dedi mınıstrÚkimettiń selektorlyq rejımdegi otyrysynda.

Arystanbek Muhamedıuly sonymen birge, etnosport jankúıerleri úshin jaǵymdy jańalyqpen bólisti.

«Erekshe atap ótetin jaıt - osy jyldyń 12 tamyzynda Túrkııanyń Erzýrým qalasynda «Túrki oıyndary-2018» sheńberindegi 2021 jyly Astanada tarıhtaǵy tuńǵysh álemdik etnosport oıyndaryn ótkizý týraly sheshimi qabyldandy. ıÝNESKO bastamasymen jasalǵan álemdik etnosport oıyndaryn 2021 jyly - Qazaqstan Táýelsizdiginiń 30 jyldyǵy qarsańynda ótkizý josparlanýda», - dedi mınıstr.

Eske sala keteıik, biz buǵan deıin Qazaqstanda ıÝNESKO bastamasymen І Álemdik etnosport oıyndary ótetindigi týraly habarlaǵan bolatynbyz.