Elimizde týberkýlezge shaldyqqan 20 myńnan asa adam tirkeýge alyndy - Tamara Dúısenova

ALMATY. QazAqparat - Qazaqstanda 22 myńnan astam adam ókpe aýyry boıynsha tizimde tur. Mundaı málimetti búgin Almatyda ótip jatqan halyqaralyq konferentsııada Densaýlyq saqtaý jáne áleýmettik damý mınıstri Tamara Dúısenova keltirdi.

Jıynǵa qatysýshylar ókpe derti álemde, sonyń ishinde Eýro-Azııa aımaqtarynda kúrdeli másele bolyp otyrǵanyn aıtty.

Dúnıejúzilik Densaýlyq saqtaý uıymynyń (DDU) sońǵy málimetine súıensek, álemde jyl saıyn 8,5 mln adam «qurt aýrýyna» shaldyǵady jáne jyl saıyn 1,3  mln adam osy aýrýdan kóz jumady. 

Tamara Dúısenovanyń aıtýynsha, memleket qamqorlyǵymen Qazaqstanda atalǵan dertke qarsy júrgizilip jatqan sharalardyń arqasynda sońǵy 10 jylda elimizdegi týberkýlez aýrýyna shaldyǵatyndar sany 2,2 ese azaıyp, ólim shyǵyn 5 esege kemigen.

«Biz bul derttiń taralý aýmaǵyn tarylttyq. Biraq, tolyǵymen joıdyq dep aıta almaımyz. Qazaqstanda 22 myńnan astam adam týberkýlez boıynsha tirkeýde tur. Bul suraqty biz QR Prezıdenti janyndaǵy Qaýipsizdik keńesinde talqyladyq. Toqsan saıyn bul másele týraly esep berip otyramyz. DDU álemde bul aýrýmen kúresip qana qoımaı, ony tamyrymen joıý týraly mindet qoıyp otyr. Bul ońaı tapsyrma emes dep oılaımyn», - dedi mınıstr.