Elimizde stýdenttik jataqhana tapshylyǵyn sheshý úshin memleket kásipkerlerge qoldaý kórsetpek
Spıker memleketpen seriktestik aıasynda jataqhana ashýdy josparlap otyrǵan kásipkerlerdi qoldaý sharalary týraly aıtty.
«Birinshiden, turaqty tabysqa kepildik berý. ıAǵnı, nysan paıdalanýǵa berilgen soń, memleket memlekettik tapsyrysty ornalastyrady. Onyń jyl saıynǵy mólsheri qurylys kezinde - 122 AEK (Almaty qalasy úshin – 144 AEK), rekonstrýktsııalaý kezinde bir stýdentke 47 AEK (Nur-sultan, Almaty qalalary úshin - 92 AEK) quraıdy. Memlekettik tapsyrys 8 jyl merzimge ornalastyrylady jáne tólemder aı saıynǵy negizde júrgiziledi.
Ekinshiden, aı saıynǵy turý aqysy. Stýdentter tarapynan turý úshin jaldaý aqysy memlekettik tapsyrys qunyna kirmeıdi. Onyń mólsherin jataqhana ıesi retteıdi jáne belgili bir aımaqtyń turǵyn úı naryǵynyń jaǵdaıymen anyqtalady», - dedi Aıjan Saǵyndyqova.
Ol sondaı-aq jataqhanada kommertsııalyq alańdardy qurýǵa bolatynyn jetkizdi.
«Jataqhanalarda turmystyq qyzmet kórsetýge arnalǵan kommertsııalyq alańdardy qurýǵa bolady. Mysaly, ashana, býfet, trenajer zaly, kir jýý bólmesi jáne t.b. Olardyń negizgi tutynýshylary sizdiń turǵyndaryńyz bolmaq.
Sondaı-aq, jataqhana qurylysy boıynsha jobalardy iske asyrýdy josparlap otyrǵan kásipkerler úshin syıaqy mólsherlemesin 6%-ǵa deıin tómendetýmen banktik qaryzdardy sýbsıdııalaý qarastyrylǵan», - dedi ol.
Spıker sonymen birge eger qyzyǵýshylyq tanytqan kásipkerler bolsa, jobanyń promo saıty www.studdom.fincenter.kz-ke kirýge nemese jobaǵa sharttarymen tolyq tanysý úshin Bilim jáne ǵylym mınıstrliginiń Qarjy ortalyǵynyń call-ortalyǵyna (8-800-080-28-28) qońyraý shalýǵa bolatynyn, shartty aldyn ala jasasý úshin qarjy ortalyǵyna ótinish berý qajettigin aıtty.
Foto: gadgetshelp.com
