Elimizde shomylýǵa ruqsat etilgen 487 jaǵajaı bar

ASTANA. QazAqparat – El aýmaǵynda shomylýǵa ruqsat berilgen oryndar belgili boldy. Bul týraly Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Búginde elimizde shomylýǵa ruqsat etilgen 487 oryn bar. Onyń ishinde 149 kommýnaldyq, jáne 338 jeke jaǵajaı. Osy kúnge deıin Abaı, Jetisý, Ulytaý oblystarynda ruqsat etilgen oryndardyń tizbesi áli bekitilmegen. Al Almaty jáne Qaraǵandy oblysy ákimdikteriniń qaýlysy qaıta óńdeýdi talap etedi. Azamattardyń qaýipsizdigin qamtamasyz etý úshin qajetti qutqarý jabdyqtarymen qamtamasyz etilgen 307 jaǵajaı bar», - dedi ıÝrıı Ilın Úkimet otyrysynda.

Mınıstrdiń málimetinshe, shomylýǵa ruqsat 180 oryn medıtsınalyq beketpen jáne balalarǵa arnalǵan shomylý ýchaskesimen qamtamasyz etilmegen.

«Óńirler boıynsha Qaraǵandy oblysynda 75 orynnyń 63-i, Mańǵystaý oblysynda 38 orynnyń 34-i, Pavlodar oblysynda 42 orynnyń 25-i, al Qostanaıda 25-ten 12-si tıisti deńgeıde qamtylǵan. Shomylatyn oryndardy jabdyqtaý - qaýipsizdik talaptarynyń biri. Osyǵan baılanysty jergilikti atqarýshy organdar resmı jáne jabdyqtalǵan shomylý oryndarynyń sanyn keminde 15-20% ulǵaıtýy qajet», - deıdi ol.