Elimizde shaǵyn bıznesten túsken tabys jergilikti bıýdjetke beriledi
Bul týraly QR Premer-Mınıstri Asqar Mamın Úkimettiń keńeıtilgen otyrysynda habarlady.
«Kelesi jyldan bastap, jergilikti bıýdjettiń kirister bazasyna shaǵyn jáne orta bıznesten túsetin korporatıvtik tabys salyǵy enedi. Sondyqtan, ınvestıtsııany belsendi túrde tartyp, kásipkerlikti damytatyn óńirler jergilikti bıýdjettegi qosymsha salyqty alady», - dedi Premer-Mınıstr.
Úkimet basshysy jańa jumys oryndaryn qurý máselesine toqtaldy.
«Úkimet basymdyqtarynyń biri – sapaly jumys oryndaryn qurý bolyp sanalady. Demografııalyq ósimdi eskere otyryp, jumyssyzdyq deńgeıin 4,8 paıyzdan 4,5 paıyzǵa deıin túsirý maqsatynda 2025 jylǵa deıin 2,7 mln azamatty jumys ornymen qamtý qajet. Sondyqtan, ınvestıtsııa tartý arqyly jańa jumys oryndaryn qurý máselesi Úkimet úshin mańyzdy bolyp qala beredi», - dedi Asqar Mamın.
Sonymen birge, Premer ulttyq eńbek naryǵyn júıeli túrde jańǵyrtý boıynsha shara qabyldanatynyn jetkizdi.
Aıta keteıik, elordada QR Prezıdenti Qasym-Jomart Toqaevtyń tóraǵalyǵymen Úkimettiń keńeıtilgen otyrysy bastaldy.
Jıynǵa Úkimet músheleri, Astana, Almaty jáne Shymkent qalalary men oblystardyń ákimderi, ortalyq memlekettik organdar men mınıstrlikterdiń basshylary qatysýda.
Buǵan deıin Asqar Mamın 2019 jyldyń sońyna deıin Bilim men ǵylymdy damytýdyń 2025 jylǵa deıingi jańa memlekettik baǵdarlamasy bekitiletinin aıtqan edi.
