Elimizde musylmandyq dinı rásimderge qatysty jańa qujat qabyldandy

NUR-SULTAN. QazAqparat - Qazaqstanda birqatar musylmandyq dinı rásim ótkizýge qatysty ózgerister engizildi. Ol týraly Qazaqstan Musylmandary dinı basqarmasynyń tóraǵasy Naýryzbaı qajy Taǵanuly málim etti, dep habarlaıdy QazAqparat tilshisi.

«Bıyl Qazaqstan Musylmandary dinı basqarmasynyń 30 jyldyq mereıtoıy. Osy ýaqyttyń ishinde dinı basqarma el aldynda abyroıǵa jetti. Búgin osy mereıtoı aıasynda IV respýblıkalyq ımamdardyń onlaın forýmy ótip jatyr. Forýmda birqatar dinı qujat qaıta qaralyp, qabyldandy. Atap aıtar bolsaq, «As berý mádenıeti», «Zırat jáne zııarat mádenıeti», «Zııatker ımam» qujattary qabyldanyp otyr. Bul qujattar adamdardyń dinı mádenıetin saqtaý men damytýǵa úles qosady degen senimdemiz», - dedi Naýryzbaı qajy Taǵanuly.

Bas múftıdiń aıtýynsha, atalǵan qujattardyń zańdyq kúshi joq, tek qana nasıhattaý maqsatyn kózdeıdi.

«Mysaly, as bergende adamdar ysyrapqa barmaýy tıis. Biz qujatta as berýdiń ýaqyty men qandaı taǵamdar bolýy tıis ekenin kórsetetin bolamyz. Sondaı-aq, zırat pen zııarat mádenıetine kelsek, qazir ózderińiz bilesizder qasıetti oryndarǵa barýshylardyń sany kóbeıip jatyr. Osy oraıda sharıǵat sheńberi men salt-dústúrge saı zııarat jasaýdy úıretetin bolamyz. ıAǵnı asyra silteýshilik bolmaýy qajet. Bunyń barlyǵy adamdardyń dinı rásim men ádet-ǵurypty ustaný mádenıetin qalyptastyrý maqsatynda jasalynyp otyr», - dedi ol.

Dinı basqarmasynyń basshysy málim etkendeı, aldaǵy ýaqytta dinı rásimge qatysty jańa qujattardyń mańyzyn ımamdar el arasynda nasıhattaıtyn bolady.

Buǵan deıin elordada ótip jatqan ımamdardyń IV onlaın forýmynda QR Prezıdenti atynan elimizdiń birqatar ımamynyń marapattalǵany týraly habarlaǵan bolatynbyz.