Elimizde koronavırýs bir táýlikte 23 adamnan anyqtaldy

ASTANA. QazAqparat – Ótken bir táýlikte el óńirlerinde 23 adamnan koronavırýs anyqtaldy, dep habarlaıdy QazAqparat QR DSM Sanıtarııalyq-epıdemıologııalyq baqylaý komıtetine silteme jasap.

23 naýryzdaǵy jaǵdaı boıynsha, qazir 1 795 adam koronavırýs ınfektsııasynan (koronavırýstan (KVI+) –1 625, pnevmonııadan (KVI-) – 170) emdelýde. Olardyń ishinde 140 patsıent statsıonarda, 1 655 naýqas ambýlatorııalyq deńgeıde em qabyldaýda.

KVI+, KVI- shaldyqqandar arasynda:

- 5 adamnyń jaǵdaıy aýyr,

- 1 patsıenttiń jaǵdaıy óte aýyr,

- 2 naýqas ókpeni jasandy jeldetý apparatyna qosylǵan.

Aıta keteıik, 21 naýryzdaǵy táýlik ishinde koronavırýs 34 adamda, 20 naýryzda 70 adamda tirkelgen bolatyn.