Elimizde qoqystyń 37% bıogaz óndirý úshin paıdalanýǵa bolady
«Parnıktik gaz shyǵaryndylary 1994 jyldan beri úzdiksiz artyp keledi. Jalpy parnıktik gaz qaldyqtarynyń 52,2% qatty turmystyq qaldyqtardan bólinedi. Qaldyqtardyń paıda bolýy halyq sanynyń ósýine jáne jan basyna shaqqandaǵy qaldyqtardyń kóbeıýine baılanysty artýda. 2020 jyly qatty qaldyqtardyń 54,7% polıgondarda kómilip, 24,4% odan ári óńdeý úshin suryptaldy. Túrli qatty turmystyq qaldyqtar legin bólek jınaý (qaǵaz, shyny, organıkalyq qaldyqtar) jáne olardy kádege jaratý aldynda suryptaý júrgizilmeıdi. Bul polıgondarǵa qaldyqtardyń túsýin arttyrady. Baǵalaý boıynsha jınalatyn qatty turmystyq qaldyqtardyń shamamen 37% (jylyna shamamen 2 mıllıon tonna) bıogaz óndirý úshin paıdalanýǵa bolady dep esepteledi», - delingen bekitilýi múmkin Strategııa jobasynda.
Qujatta kórsetilgendeı, kóptegen qoqys polıgondarynda tıisti jaǵdaı jasalmaǵan. Al aǵyn sýǵa tógiletin qaldyqtardy óńdeý jáne olardy kádege jaratýǵa arnalǵan ınfraqurylym joq.
Strategııa qujatynda atalǵan máselelerdi sheshýdiń birneshe joly usynylǵan. Onyń biri – qaldyqtardy ashyq kómý mólsherin tómendetip, qaıta óńdeý kólemin arttyrý. Sonymen qatar qoqystardy jınaý, suryptaý jáne qaıta óńdeýmen aınalysatyn kásiporyndardy yntalandyrý sharalary qabyldanady. Munymen qosa, las sýlardyń kólemin azaıtý maqsatynda sýdy tazartatyn jáne únemdeıtin tehnologııalar engizilmek.
Eske salaıyq, QR 2060 jylǵa deıin kómirtegi beıtaraptyǵyna qol jetkizý strategııasyna sáıkes, aldaǵy 8 jylda eldegi parnıktik gaz shyǵaryndylaryn 15 paıyzǵa tómendetý josparlanǵan.
Qujatty ashyq talqylaý 9 jeltoqsanǵa deıin jalǵasady.