Elimizde kóktemgi sý tasqynyna daıyndyq sharalary bastaldy
«Sý tasqyny kezeńine daıyndyq maqsatynda bizdiń mınıstrlik Tótenshe jaǵdaılar mınıstrligimen birlesip sý sharýashylyǵy jaǵdaıy men gıdrotehnıkalyq qurylymdardyń jaı-kúıine turaqty baqylaý júrgizilýde. Qaýipsizdikti qamtý maqsatynda kezekshilik kestesi bekitilip, sý sharýashylyǵy jaǵdaıyna turaqty monıtorıng júrgizilip jatyr. Sonymen qatar barlyq gıdrotehnıkalyq qurylymda sý tasqynynyń aldyn alý is-sharalar jospary ázirlenip, bekitildi. Obektilerdi tekserý aktileri men daıyndyq pasporttary, sondaı-aq tótenshe jaǵdaı týyndaý qaýpi bar obektileriniń tizimi jasaqtaldy»,- dedi QR Ekologııa jáne tabıǵı resýrstar mınıstrligi Sý resýrstary komıteti tóraǵasynyń mindetin atqarýshy Dosbol Bekmaǵambetov «Qazgıdromet» mekemesinde ótken baspasóz máslıhatynda.
Onyń aıtýynsha, kóktemgi sý tasqynyna daıyndyq jáne aldyn alý máselesi mınıstrliktiń erekshe baqylaýynda.
Spıker keltirgen málimetke sáıkes, elimiz boıynsha tótenshe jaǵdaıǵa 1403 birlik avtokólik jáne arnaıy tehnıka, 50 000 tonna ınertti materıal, 38 200 qum salynǵan qap daıyndaldy.
«Qazsýshar» memlekettik mekemesi mamandary jáne basseındik ınspektsııalardyń ókilderi tótenshe jaǵdaılardyń aldyn alý jáne joıý jónindegi komıssııa quramyna engizildi. Sol sııaqty bizdiń mınıstrlik kórshi memleketterde ornalasqan transshekaralyq sý obektilerindegi jaǵdaıdy taldaıdy», - deıdi ol.
Ekologııa mınıstrliginiń dereginshe, kóktemgi sý tasqyny qaýpi Qyzylorda, Mańǵystaý oblysynda tómen, Ulytaý jáne Pavlodar oblysynda ortasha. Qalǵan barlyq óńir qyzyl aımaqta, ıaǵnı qaýip joǵary.
