Elimizde klınıka basshylarynyń ókilettikterin teris paıdalaný faktileri tekserilip jatyr
«Biz birneshe aıdan beri ózimizdiń kúshimizben saladaǵy túrli quqyqbuzýshylyqtarǵa taldaý jasap jatyrmyz. Ózderińiz bilesizder, Memleket basshysy densaýlyq saqtaý salasynda barlyq bıýdjet qarjysyn ıgerý turǵysynda qadaǵalaý júrgizýdi tapsyrdy. Osy oraıda Esep komıtetimen birlese tıisti sharalardy iske asyrýdamyz. Sonymen qatar dárilik zattar aınalymy men medıtsınalyq jabdyqtar problemalaryna qatysty qajetti baqylaý júrip jatyr. Sondyqtan búgin Qoǵamdyq keńes deńgeıinde eń ózekti degen problemalarǵa nazar aýdardyq. Árıne, problemalar kóp, biraq ta olar negizinen dárilik zattar men medıtsınalyq tehnıkanyń baǵasy men kólemin durys josparlamaýǵa baılanysty. Osynyń saldarynan dáriler men tehnıka joǵary baǵamen satyp alynady jáne jetkiliksiz kólemde tapsyrylady»,-dep toqtaldy mınıstr.
«Dári-dármek pen medıtsınalyq jabdyqtardy jetkizýshiler jeke kompanııalar bolyp tabylady. Bul turǵyda saladaǵy iri oıynshylar ózara sóz baılasyp, baǵany bolmashy somada ǵana túsirý arqyly iri kelisimsharttarǵa qol jetkizedi. Osy oraıda basqa memorgandarmen birlese bundaı quqyqbuzyshylyqtarǵa tosqaýyl qoıý kerek bolyp tur»,-dedi ol.
Sonymen qatar vedomstvo basshysy saladaǵy sheneýnikter men laýazym ıeleriniń, klınıkalardyń bas dárigerleri tarapynan oryn alatyn zań buzýshylyqtarǵa toqtaldy.
«Ókilettikterdi teris paıdalaný problemalar jıi kezdesedi. Sondyqtan búgin selektorlyq rejimde óńirlerdegi densaýlyq saqtaý basqarmalarynyń ókilderi bul problemalar jaıynda tapsyrma aldy. ıAǵnı basshylardy taǵaıyndaǵan kezde jaýapkershilikti kúsheıtý kerektigin talap etip otyrmyz»,-dedi Birtanov.
Aıta keteıik, Qoǵamdyq keńes otyrysy barysynda QR Densaýlyq saqtaý vıtse-mınıstri Alekseı Tsoı tegin medıtsınalyq kómektiń kepildik berilgen kólemi sheńberinde beriletin dári-dármek baǵasyn qalyptastyrýdyń jańa modelin usyndy. Ol halyq úshin dári-dármektiń ekonomıkalyq qoljetimdiligin ulǵaıtýǵa múmkindik berip, satyp alynatyn preparattardyń kólemin ulǵaıtý men memleket esebinen beriletin dárilermen naýqastardy qamtý ári dárilerdi tirkeý kezindegi sybaılas jemqorlyq faktorlaryna tosqaýyl qoıady dep kútilýde.
Budan bólek vıtse-mınıstr óńirlerdegi densaýlyq saqtaý basqarmalarymen jergilikti bıýdjet sheńberinde satyp alynatyn medıtsınalyq tehnıkalardyń satyp alý kezindegi anyqtalǵan buzýshylyqtarǵa egjeı-tegjeıli toqtaldy.