Elimizde qansha azamat ulttyq sport túrlerimen aınalysady

ASTANA. QazAqparat – Elimizde 490 myń adam ulttyq sport túrlerimen turaqty túrde aınalysady. IV Dúnıejúzilik kóshpendiler oıyndaryna daıyndyq barysyn baıandaǵan Sport jáne dene shynyqtyrý komıtetiniń tóraǵasy Samat Erǵalıev osylaı málim etti, dep habarlaıdy QazAqparat tilshisi.

«Respýblıkamyzda ulttyq sport túrlerine daıyndaıtyn 8 sport klýby men 13 sport mektebi jumys isteıdi. Elimiz boıynsha 490 myń adam ulttyq sport túrlerimen turaqty turde aınalysady. Memleket tarapynan ulttyq sportty damytý maqsatynda bilim berý uıymdarynda ulttyq sport túrlerin mindetti komponent retinde engizý úshin Dene shynyqtyrý jáne sport týraly zańǵa ózgeris engizildi. ıÝNESKO-nyń materıaldyq emes mádenı muralar tizimine ulttyq sporttyń tórt túri endi. Olar - asyq atý, toǵyzqumalaq, qazaq kúresi jáne saıatshylyq», - dep atap ótti Samat Erǵalıev.

Sonymen qatar, komıtet tóraǵasy brıfıng aıasynda 29 qyrkúıek pen 4 qazan aralyǵynda Túrkııanyń Iznık qalasynda IV Dúnıejúzilik kóshpendiler oıyndary ótetinin málim etti. Onda Qazaqstan qurama komandasynyń 49 sportshysy saıystyń 5 túri boıynsha baq synaıdy. Sondaı-aq, kóshpendiler oıyndarynda qazaq kúresinen tuńǵysh ret Qazaqstan áıelder quramasy saıysqa túsedi .

Qosa keteıik, Ulttyq jáne at sporty túrleri ortalyǵynyń dırektory Baqdáýlet Sábıtov Dúnıejúzilik kóshpendiler oıyndarynda qazaqstandyq top qaı saıystan júlde alýy múmkin ekenine boljam jasaǵan bolatyn.