Elimizde emdeýge jatqyzý aqparattyq júıesi engizildi
Josparly emdeýge jatqyzý - bul jedel jáne shuǵyl medıtsınalyq kómekti talap etpeıtin profılaktıkalyq is-sharalar, aýrýlar men jaı - kúılerde kórsetiletin medıtsınalyq kómek.
Medıtsınalyq - sanıtarııalyq alǵashqy kómek (budan ári - MSAK) kórsetý qaǵıdalaryna sáıkes Qazaqstan Respýblıkasynyń árbir azamaty josparly emdeýge jatqyzýǵa durys baǵyttaý úshin mindetti túrde Bekitilgen halyq tirkelimi aqparattyq júıesinde, onyń ishinde MSAK kórsetetin densaýlyq saqtaý uıymynda bekitilýi tıis. Búgingi tańda Qazaqstan Respýblıkasy boıynsha 18 mıllıonnan astam adam bekitilgen, 2017 jyly - shamamen alǵanda 17 jarym mıllıon adam.
Bekitilý faktisi bolmaǵan jaǵdaıda azamatta elektrondy - tsıfrlyq qoltańbanyń kómegimen ótinimdi Elektrondyq úkimet portalynda tirkeý jolymen onlaın rejımde bekitilý múmkindigi bar.
Josparly emdeýge jatqyzýdy uıymdastyrý patsıenttiń medıtsınalyq uıymdy erkin tańdaý quqyǵy esebimen Emdeýge jatqyzý bıýrosynyń portaly arqyly joldamany tirkeý jolymen júzege asyrylady.
Josparly emdeýge jatqyzýdyń beıinine, medıtsına jabdyǵyna jáne kadrlyq áleýetine baılanysty emdeýge jatqyzýdy kútý merzimi bolady.
Emdeýge jatqyzý ótinimi tirkelgennen keıin patsıenttiń qolyna emdeýge jatqyzý kody bar joldama beriledi.
Emhana dárigeri óziniń óńirinde kezegi eń az alternatıvti klınıkalar boıynsha aqparatty usyna alady. Osynyń bári dárigerdiń qabyldaýynda patsıenttiń qatysýymen naqty ýaqyt rejıminde júzege asyrylady.
Statsıonarǵa emdeýge jatqyzǵanǵa deıin patsıent MSAK ýchaskelik dárigeriniń baqylaýynda bolady. Jaǵdaıy nasharlaǵan jaǵdaıda, patsıent medıtsınalyq kómekke júgingen kezde portaldaǵy joldamanyń bolýyna qaramastan, patsıentke medıtsınalyq kómek shuǵyl túrde kórsetiledi. Emdeýge jatqyzý kúnine qaraı patsıent tekserip - qaraýdyń eń az kólemin tapsyrýy tıis.
Qosymshada tıisti baptaýlar jasalyp, patsıentke jeke kabınetke qoljetimdilik berilgen bolsa, oǵan 10 kún buryn emdeýge jatqyzý týraly eskertý retinde josparlanǵan emdeýge jatqyzý kúni týraly habarlama kelýi múmkin.
Kútpegen jerde oryn alǵan jaǵdaılarǵa baılanysty patsıent belgilengen kúni aýrýhanaǵa jatýǵa kele almasa, bul týraly óziniń dárigerin habardar etýi tıis. Mundaı jaǵdaılarda patsıenttiń joldamasy emdeýge jatqyzýdan bas tartý sebepteri kórsetile otyryp, joıylady.
Eger patsıent bir kúnge keshikse jáne ony baǵyttaǵan ýchaskelik dárigerdi nemese statsıonardyń jumyskerin bul týraly habardar etse, oǵan 1 táýlikke deıingi kútý merzimi beriledi.
Emdeýge jatqyzý protsesine qatysty máseleler boıynsha 14 oblys ortalyǵynda jáne respýblıkalyq mańyzy bar 3 qalada ornalasqan Qazaqstan Respýblıkasy Densaýlyq saqtaý mınıstrliginiń «Respýblıkalyq elektrondyq densaýlyq saqtaý ortalyǵy» ShJQ RMK fılıaldarynyń resmı saıtta berilgen senim telefondaryna habarlasýlaryńyzdy suraımyz. Bas kásiporynnyń senim telefony: 8 (7172) 700-967; 8 (7172) 700-960 (ishki: 1071).