Elimizde elektr stantsııalaryn jóndeý qarqyny qalaı
«Dúnıejúzilik banktiń kómegimen búkil stantsııalar boıynsha tehnıkalyq aýdıt júrgizdi. Bul turǵyda tozý deńgeıi, negizgi jabdyqtyń jaramdylyq merzimi, otyn shyǵynynyń úlestik kórsetkishteri, personaldyń jınaqtalýy, paıdaly áser koeffıtsıenti, tehnologııalyq kemshilikter jáne jóndeý baǵdarlamalaryn oryndaý baǵytyndaǵy negizgi kórsetkishter boıynsha reıtıng qalyptastyryldy. Kórsetilgen krıterııler aıasynda elektr stantsııalary reıtıng boıynsha bólingen. Barlyq jylý elektr ortalyǵy jylý berý maýsymyna daıyndyq is-sharalary ázirlendi», - dedi J. Nurmaǵambetov Úkimet otyrysynda.
Onyń aıtýynsha, júıelik operator bekitken elektr stantsııalarynda jóndeý kestesine sáıkes 2023 jyly 10 energoblokty, 49 qazandyqty jáne 54 týrbınany kúrdeli jóndeý josparlanǵan. 4 energııa blogynda, 24 qazandyqta jáne 15 týrbınada jóndeý jumystary iske asyrylyp jatyr. 3 energoblokta, 13 qazandyqta jáne 11 týrbınada jóndeý aıaqtaldy.
«2023 jyly jalpy uzyndyǵy shamamen 25,3 myń km elektr energııasyn berý jelilerin, 567 qosalqy stantsııany, 3,5 myń taratý pýnktin jáne transformatorlyq qosalqy stantsııalardy kúrdeli jóndeý josparlanǵan. 13 myń km elektr energııasyn berý jelisi men 364 qosalqy stantsııa, 2070 taratý pýnkti men transformatorlyq qosalqy stantsııalar jóndeldi», - dedi vıtse-mınıstr.
Bul turǵyda ol soltústik óńirdegi keıbir oblystarda energııa jelilerin jóndeý keshigip jatqanyn aıtty.
«Sonymen qatar birneshe elektr stantsııalarynda negizgi jabdyqty jóndeý merzimderiniń saqtalmaǵanyn atap ótemiz. ıAǵnı Atyraý («Atyraý jylý elektr ortalyǵy» aktsıonerlik qoǵamy), Shyǵys Qazaqstan («Rıdder jylý elektr ortalyǵy» aktsıonerlik qoǵamy), Túrkistan («Kentaý Servıs» memlekettik kásipornynyń 5 jylý elektr ortalyǵy), Mańǵystaý («Mańǵystaý atom energetıkalyq kombınaty» jaýapkershiligi shekteýli seriktestigi), Ulytaý (Jezqazǵan jylý elektr ortalyǵy «Kazakhmys Energy» jaýapkershiligi shekteýli seriktestigi) oblystarynda baıqaldy», - dedi ol.
