Elimizde azamattardyń derbes derekterin jarııa etkeni úshin jaýapkershilik kúsheıtilmek

NUR-SULTAN. QazAqparat – Elimizde azamattardyń derbes derekterin jarııa etkeni úshin jaýapkershilik kúsheıtilmek. Mundaı ózgeris Tsıfrlyq ekojúıeniń damytýdyń 2022-2027 jyldarǵa arnalǵan («Kıberqalqan-2») tujyrymdamasynda kózdelgen, dep habarlaıdy QazAqparat tilshisi.

«Ashyq NQA» saıtynda ornalastyrǵan tujyrymdama mátininde QR Ákimshilik quqyq buzýshylyq týraly kodekstiń 62-babynyń 1-tarmaǵyna sáıkes, tulǵa ákimshilik quqyq buzýshylyq jasalǵan kúnnen bastap eki aı ótkennen keıin jaýapkershilikke tartylmaıtyndyǵǵy týraly kózdelgen eki aılyq merzim jetkiliksiz ekendigi aıtylǵan.

«Osyǵan baılanysty mınıstrlik Memleket basshysynyń 2021 jylǵy 27 qazanda ótken Qazaqstan Respýblıkasynda tsıfrlandyrýdy engizý máseleleri jónindegi Qazaqstan Respýblıkasy Prezıdentiniń janyndaǵy komıssııa otyrysynyń qorytyndylary boıynsha azamattardyń derbes derekterin jarııa etkeni úshin jaýapkershilikti kúsheıtý boıynsha zańnamalyq ózgerister ázirleý jáne engizý jónindegi tapsyrmasyn oryndaý úshin tıisti túzetýler ázirledi», - delingen tujyrymdamada.