Elimizde «Ashyq» júıesi qandaı nysandarda qoldanylady

NUR-SULTAN. QazAqparat – QR Densaýlyq saqtaý vıtse-mınıstri – Bas memlekettik sanıtarlyq dárigeri Aıjan Esmaǵambetovanyń «Ashyq» jobasyn júzege asyrýdy jalǵastyrý týraly qaýlysy shyqty, dep habarlaıdy QazAqparat tilshisi.

Qaýlyda «Ashyq» jobasy arqyly jumys isteıtin nysandar kórsetilgen. Naqtyraq aıtsaq:

- fıtnes-klýbtar, sonyń ishinde ıoga-ortalyqtar;

- spa-ortalyqtar;

- monshalar, saýnalar, basseınder;

- kompıýterlik klýbtar, sonyń ishinde PlayStation klýbtary;

- boýlıng klýbtary;

- kınoteatrlar;

- teatrlar men fılarmonııalar;

- qoǵamdyq tamaqtaný obektileri, banket zaldary-ashana tıpi boıynsha qoǵamdyq tamaqtaný obektileri;

- oblysaralyq jáne qalalyq turaqty emes (týrıstik) tasymaldar;

- oblysaralyq jáne oblysishilik turaqty tasymaldar;

- bılıard klýbtary;

- kontsert zaldary;

- karaoke;

- kórmeler;

- okeanarıým;

- marafondar;

- kórermendermen sporttyq is-sharalar;

- áýejaılar;

- lotereıa klýbtary jáne lotereıany ótkizýdiń ózge de núkteleri;

- balalar oıyn-saýyq ortalyqtary (jabyq);

- tsırkter;

- qonaq úıler, qonaq úıler;

- halyqqa qyzmet kórsetý ortalyqtary;

- temirjol vokzaldary men avtovokzaldar;

- bazarlar( jabyq), saýda-oıyn-saýyq ortalyqtary, saýda úıleri;

- saýda jelileri (saýda alańy 6000 sh. m. astam azyq-túlik, saýda alańy 1000 sh. m. astam azyq-túlik emes);

- balalardy saýyqtyrý uıymdary (qyzmetkerler (personal);

- býkmeker keńseleri;

- sulýlyq ortalyqtary men salondary, shashtarazdar, manıkıýr men pedıkıýr, kosmetıkalyq jáne kosmetologııalyq qyzmet kórsetý salondary;

- barlyq menshik nysanyndaǵy jáne vedomstvolyq baǵynystaǵy bilim berý uıymdary (pedagogtar, personal, ata-analar (zańdy ókilder), 18 jáne odan joǵary jastaǵy bilim alýshylar úshin);

- sport keshenderi, sporttyq-saýyqtyrý ortalyqtary;

- bilim berý uıymdarynda bilim alýshylardyń turýyna arnalǵan jataqhanalar (pedagogtar, personal, ata-analar (zańdy ókilder), kelýshiler, bilim alýshylar úshin); - dinı nysandar;

- oıyn klýbtary (kazıno);

- «Qorǵas» shekara mańy yntymaqtastyǵy halyqaralyq ortalyǵy;

- Túngi klýbtar;

- bankter, «Qazposhta» AQ bólimsheleri.