Elimizde ańshylar jańa ereje boıynsha testileýden ótedi
«QazAqparat» HAA qujattyń tolyq mátinin usynady.
Ańshylardyń jáne ańshylyq sharýashylyǵy sýbektileriniń qoǵamdyq birlestikteri respýblıkalyq qaýymdastyǵynyń ańshylyq mınımýmdy júrgizý qaǵıdalaryn bekitý týraly
Qazaqstan Respýblıkasy Aýyl sharýashylyǵy mınıstriniń 2015 jylǵy 30 qańtardaǵy № 18-03/57 buıryǵy.
Qazaqstan Respýblıkasynyń Ádilet mınıstrliginde 2015 jyly 12 naýryzda № 10415 tirkeldi
«Janýarlar dúnıesin qorǵaý, ósimin molaıtý jáne paıdalaný týraly» 2004 jylǵy 9 shildedegi Qazaqstan Respýblıkasy Zańynyń 9-baby 1-tarmaǵynyń 39) tarmaqshasyna sáıkes BUIYRAMYN:
1. Qosa berilip otyrǵan Ańshylardyń jáne ańshylyq sharýashylyǵy sýbektileriniń qoǵamdyq birlestikteri respýblıkalyq qaýymdastyǵynyń ańshylyq mınımýmdy júrgizý qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen mynalardy:
1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrýyn qamtamasyz etsin.
3. Osy buıryq ony alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Aýyl sharýashylyǵy mınıstri A. Mamytbekov
«KELІSІLGEN» Qazaqstan Respýblıkasy Bilim jáne ǵylym mınıstri A. Sárinjipov 2015 jylǵy 6 aqpan
Qazaqstan Respýblıkasy Aýyl sharýashylyǵy mınıstriniń 2015 jylǵy 30 qańtardaǵy № 18-03/57 buıryǵymen bekitilgen
Ańshylardyń jáne ańshylyq sharýashylyǵy sýbektileriniń qoǵamdyq
birlestikteri respýblıkalyq qaýymdastyǵynyń ańshylyq mınımýmdy
júrgizý qaǵıdalary
1. Osy Ańshylardyń jáne ańshylyq sharýashylyǵy sýbektileriniń qoǵamdyq birlestikteri respýblıkalyq qaýymdastyǵynyń ańshylyq mınımýmdy júrgizý qaǵıdalary (budan ári - Qaǵıdalar) «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańyna (budan ári - Zań) sáıkes ázirlendi jáne ańshylar men ańshylyq sharýashylyǵy sýbektileri qoǵamdyq birlestikteri respýblıkalyq qaýymdastyǵynyń (budan ári - qaýymdastyq) ańshylyq mınımýmdy ótkizý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) ańshylyq mınımým (budan ári - ańshylyq mınımým) - Qazaqstan Respýblıkasynyń janýarlar dúnıesin qorǵaý, ósimin molaıtý jáne paıdalaný salasyndaǵy zańnamasynyń ańshy kýáligin berý úshin bilý mindetti shart bolyp tabylatyn ań aýlaý kezindegi qaýipsizdik tehnıkasy máselelerin qaraıtyn oqytý baǵdarlamasynyń arnaıy qysqa kýrsy;
2) qashyqtyqtan oqytý - oqý protsesine tán barlyq komponentterdi (maqsaty, mazmuny, ádisteri, uıymdastyrý nysandary, oqytý quraldary) kórsetetin, sondaı-aq elektrondy testileýdiń avtomattandyrylǵan ádisterimen qashyqtyqtan oqytý;
3) sertıfıkat - osy Qaǵıdalardyń 1-qosymshasyna sáıkes belgilengen nysan boıynsha qaýymdastyq beretin oqý kýrsyn aıaqtaý jáne ańshylyq mınımýmdy tapsyrý týraly qujat;
4) testileý - qaǵazǵa basylǵan testilik suraqtardy qoldanyp oqytý aıaqtalǵannan keıin testilik suraqtar boıynsha tyńdaýshylardyń ańshylyq mınımýmdy bilýin tekserý;
5) tyńdaýshy - sertıfıkat alý úshin ańshylyq mınımýmdy oqıtyn jeke tulǵa.
3. Qazaqstan Respýblıkasy Aýyl sharýashylyǵy mınıstriniń 2012 jylǵy 13 naýryzdaǵy № 25-03-02/95 (Normatıvtik quqyqtyq aktilerdi memlekettik tirkeý tiziliminde № 7545 tirkelgen) buıryǵymen bekitilgen ańshylyq mınımýmdy oqýǵa múddeli adamdar qaýymdastyqqa jeke kýáliginiń qaǵazǵa basylǵan nysanynda nemese elektrondy nysandaǵy kóshirmesin qosa tirkep qaýymdastyqtyń saıtynda kórsetilgen elektrondy mekenjaılaryna, erkin túrde jazylǵan ótinish beredi.
Eskertý. 3-tarmaq jańa redaktsııada - QR Aýyl sharýashylyǵy mınıstriniń 26.10.2015 № 18-03/947 (alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi) buıryǵymen.
4. Ańshylyq mınımýmdy oqytýdy qaýymdastyq óziniń fılıaldary men ókildikteri arqyly júzbe júz kezdesý nemese qashyqtyqtan oqytý túrinde júzege asyrady.
5. Ańshylyq mınımýmdy oqytý janýarlar dúnıesin qorǵaý, ósimin molaıtý jáne paıdalaný salasynda arnaıy ádebıet, ańshylyq mınımýmy boıynsha ádistemelik materıaldar, oqý quraldary men eksponattar, sondaı-aq qashyqtyqtan oqytý úshin elektrondy tasymaldaǵyshtardyń elektrondy nysandaǵy alýan túrli aqparattyq resýrstary bolǵan jaǵdaıda jabdyqtalǵan úı-jaılarda júrgiziledi.
6. Qashyqtyqtan oqytý qaǵaz, elektrondy tasymaldaǵyshtardaǵy oqý-ádistemelik materıaldar jıyntyǵynda (keıster) jáne olardy óz betinshe zerdeleý úshin bilim alýshylarǵa jiberýge negizdelgen keıstik tehnologııa boıynsha júrgiziledi.
Aqparattyq-bilim berý resýrstary elektrondy nysanda qoljetimdi bolýǵa, oqý protsesin júrgizýdi tolyq dárejede qamtamasyz etýge jáne ańshylyq mınımým boıynsha sapaly bilim alý úshin jaǵdaılar jasaýǵa tıis.
Qaýymdastyq elektrondy nysanda qashyqtyqtan oqý úshin tyńdaýshynyń tehnıkalyq múmkindikterin eskere otyryp, oǵan ádistemelik kómek kórsetilýin qamtamasyz etedi.
Qashyqtyqtan elektrondy nysanda oqytý kezinde oqý sabaqtary tyńdaýshylardyń elektrondy oqý basylymdary boıynsha (elektrondy oqýlyqtar, mýltımedıalyq oqý baǵdarlamalary, aqparattyq-anyqtamalyq júıeler - teorııalyq jáne praktıkalyq daǵdylaryn baǵalaý úshin testilik tapsyrmalar jınaǵy) derbes jumys isteýi túrinde ótkiziledi.
7. Ańshylyq mınımým kýrsy aıaqtalǵannan keıin tyńdaýshylardy ańshylyq mınımýmdy bilýi boıynsha testileý ótkiziledi.
Testileýdi qaýymdastyqtyń fılıaly nemese ókildigi basshysynyń buıryǵymen qurylatyn keminde úsh adamnan turatyn turaqty jumys isteıtin emtıhan komıssııalary (budan ári - komıssııa) qaǵaz tasyǵyshynda qaýymdastyqtyń fılıaldary men ókildikterinde belgilengen merziminde ótkizedi.
Eskertý. 7-tarmaqqa ózgeris engizildi - QR Aýyl sharýashylyǵy mınıstriniń 26.10.2015 № 18-03/947 (alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi) buıryǵymen.
8. Komıssııanyń tóraǵasy bolyp fılıaldyń nemese ókildiktiń basshysy, egerde basshynyń bolmaı qalǵan jaǵdaıynda fılıaldyń nemese ókildik basshysynyń orynbasary taǵaıyndalady. Komıssııanyń quramyna Qazaqstan Respýblıkasy Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń (budan ári - Komıtet) aýmaqtyq bólimshesiniń, jergilikti atqarýshy organdardyń, ańshylyq sharýashylyǵy sýbektileriniń ókilderi (kelisim boıynsha) kiredi.
Testileý nátıjeleri boıynsha qujattar resimdeýdi fılıaldyń nemese ókildiktiń shtattaǵy qyzmetkerleri qatarynan taǵaıyndalatyn komıssııa hatshysy júzege asyrady.
Komıssııa hatshysy komıssııanyń múshesi bolyp tabylmaıdy.
9. Testileý bekitilgen ańshylyq mınımýmǵa sáıkes júrgiziledi jáne 25 testilik suraqtardan turady.
Test suraqtaryn qaýymdastyq ázirlep, Komıtetpen kelisimdeıdi.
Testileý uzaqtyǵy 1 saǵatty quraıdy.
10. Testileý nátıjeleri boıynsha komıssııa myna sheshimderdiń birin qabyldaıdy:
1) tapsyrdy (20 jáne odan kóp suraqqa durys jaýap berse);
2) tapsyrǵan joq (20-dan az suraqqa durys jaýap berse).
11. Tyńdaýshylardyń testileýdi tapsyrýy nemese tapsyrmaýy týraly komıssııa sheshimi hattamamen resimdeledi, oǵan testileýge qatysqan komıssııa tóraǵasy jáne músheleri qol qoıady.
12. Tyńdaýshy komıssııa sheshimimen testileý kúni tanysady.
13. Ańshylyq mınımým boıynsha testileý nátıjesi teris bolǵan jaǵdaıda tyńdaýshylar sońǵy testileý kúninen keıin 1 aıdan soń qaıta testileýge múmkindikteri bar.
Qaıta testileýdi tapsyra almaǵan jaǵdaıda tyńdaýshyǵa osy Qaǵıdalarda belgilengen tártippen qaıta testileýdiń teris nátıjesin alǵan kúnnen keıin alty aı ótken soń ótinish berý múmkinshiligi beriledi.
14. Tyńdaýshy testileý nátıjesi boıynsha oryn alǵan daýly jaǵdaıda úsh jumys kún ishinde jazbasha nemese elektrondy túrinde testileý nátıjesin qaıta qaraýǵa emtıhan komıssııasyna júgine alady.
Testileý nátıjesin qaıta qaraý týraly tyńdaýshynyń júginýi komıssııamen eki jumys kún ishinde qaralady.
15. Komıssııanyń oń sheshimi negizinde tyńdaýshyǵa sertıfıkat beriledi.
16. Sertıfıkat ańshy kýáligin berýge negiz bolyp tabylady jáne osy Qaǵıdalardyń 2-qosymshasyna sáıkes arnaıy jýrnalda (tigilgen, nómirlengen, qaýymdastyq mórimen kýálandyrylǵan) tirkeledi, ol sertıfıkattar blankileriniń qozǵalysyn esepke alady.
17. Tyńdaýshyny ańshylyq mınımýmǵa oqytý oqý men qaǵaz jáne elektrondy tasymaldaǵyshtardaǵy arnaıy ádebıettiń qunyn qamtıtyn aılyq eseptik kórsetkishtermen qaýymdastyq belgileıtin aqyly negizde tyńdaýshynyń qarajaty esebinen júrgiziledi.