Elimizde 900 astam osal Exim poshtalyq serverleri anyqtaldy

NUR-SULTAN. QazAqparat - «Memlekettik tehnıkalyq qyzmet» AQ KZ-CERT kompıýterlik ıntsıdentterge áreket etý qyzmeti Internettiń qazaqstandyq segmentin aqparattyq qaýipsizdik qaterleri turǵysynan monıtorıngteý barysynda Exim habarlamalar berý agentiniń (MTA - mail transfer agent) asa mańyzdy osaldyqtaryna ushyraǵysh 926 hostty aıqyndap, olarǵa taldaý júrgizdi.

Exim – bul Unix-tárizdi operatsııalyq júıeler úshin qoljetimdi jáne Linux dıstrıbýtıvterinde aldyn ala ornatylǵan, poshtany jiberýdiń belgili agenti ekenin atap óteıik. Osymen, 4.94.2 nusqasyna deıin shyǵarylǵan Exim nusqalary olardyń qısyndysy paıdalanylǵan jaǵdaıda, 21Nails osaldyqtar serııasy (21 osaldyq) dep atalatyn shabýyldarǵa osal bolyp tabylady.

Bul osaldyqtar zııankesterge mynadaı áreketterdi júzege asyrýǵa múmkindik týǵyzady:

• Erkin kodty (RCE) qashyqtyqtan oryndaý;

• Qyzyqtyratyn uıymǵa maqsatty shabýyldy júzege asyrý;

• Zııandy baǵdarlamalyq qamtylymdy (maınerlerdi, botnetterdi, jelilik qurttardy, troıandardy, shıfrlaǵyshtardy) taratý;

• Skanerleý qorytyndylary boıynsha jelige kirý núktesi retinde osal poshtalyq serverdi paıdalaný.

Qyzmet Exim nusqasyn ózekti – 4.94.2 nusqasyna deıin jańartýdy, sondaı-aq baǵdarlamalyq qamtylym men operatsııalyq júıelerdi merzimdi túrde jańartýdy usynady.

KZ-CERT paıdalanýshylardyń derbes derekterin qaýipsizdendirý men zııankesterdiń osaldyqtardy paıdalanýyna jol bermeý maqsatynda Exim aıqyndalǵan uıymdardy kórsete otyryp, provaıderler men uıymdarǵa habarlamalar joldady.

Esterińizge salaıyq, eger siz aqparattyq qaýipsizdik ıntsıdentiniń qurbany bolsańyz, bizdiń mamandarǵa 1400 (táýlik boıy) aqysyz nómiri boıynsha habarlaýdy nemese https://t.me/kzcert Telegram-chatyna ótinim jiberýdi suraımyz.