Elimiz arqyly Bakýge jóneltiletin Qytaıdyń alǵashqy júk poıyzy jolǵa shyqty

ASTANA. QazAqparat - Qytaıdyń Úrimshi qalasynan shyqqan avtobólshekter, ınjenerlik tehnıkalar men turmystyq zattar tıelgen júk poıyzy Alashańqaı baqylaý-ótkizý beketinde memlekettik shekarany kesip ótip, Qazaqstannyń Quryq portyna jetedi. 36 konteıner odan ári teńiz tasymaldary arqyly Bakýge jóneltiletin bolady. Bul týraly Sınhýa agenttigi habarlady.

Qazaqstan men Qytaı temir joldary vedomstvolarynyń yntymaqtastyǵy arqasynda ashylǵan Úrimshi - Quryq - Baký jańa baǵyty Qytaı men Grýzııa, Iran, Ázerbaıjan, Túrkııa jáne Eýropa elderi arasynda júk tasymaldary úshin joǵarytıimdi jáne yńǵaıly logıstıkalyq dáliz bolyp tabylady.

Shyńjań temirjol vedomstvosynyń málimetine sáıkes, temirjol men teńiz tasymaldaryn qamtıtyn jańa baǵyttyń jalpy uzaqtyǵy 4186 shaqyrymdy quraıdy, joldaǵy ýaqyt - 8 kún. Bul temirjol tasymaldarynyń úshten ekisi.

"Sınte" Shyńjań halyqaralyq logıstıkalyq kompanııasy bas dırektorynyń orynbasary Nan Tszıýn atap ótkendeı, 2018 jyly Úrimshiniń qabyldaý-úlestirý ortalyǵynan Eýropaǵa 1400 júk poıyzyn jóneltý kózdelgen.