Elena Rybakına: Kelesi qarsylasym óte kúshti
Shampionat.com saıtynan málim etkenindeı, E.Rybakına óz ónerine óte rıza ekenin aıtty.
«Men bastan-aıaq qarqyndy oınadym. Ózimdi senimdi sezindim. Jabyq korttaǵy ekinshi matchta dopty basynan bastap qatty berip, jaqsy sezindim. Meniń kelesi qarsylasym óte kúshti. Biz birneshe ret oınadyq. Tek kógal tósenishinde emes. Ol – aılaly oıynshy. Ol da solaqaı bolǵandyqtan, ońaıǵa túspeıdi. Bul kezdesý aýyr bolatyny anyq. Men qolymnan kelgenniń bárin jasap, jaqsy daıyndalýǵa tyrysamyn», - dedi qazaqstandyq tennısshi tórtinshi aınalymdaǵy qarsylasy, brazılııalyq Beatrıs Haddad Maııaǵa baǵa berip.
Elena Rybakına baspasóz máslıhatynda sonymen qatar Ýımbldonda qysym kórip jatyr ma, oǵan da jaýap berdi.
«Úlken qysymdy sezinip turǵan joqpyn. Óıtkeni bıyl óte jaqsy oınadym. Bıylǵy nátıjelerim óte jaqsy, ásirese, Aýstralııada «Úlken dýlyǵa» týrnıriniń fınalyna deıin jettim. Árıne, munda da jeńiske jetkim keledi. Bul – basty maqsatym, onyń qalaı júzege asaryn kórermiz», - dedi E.Rybakına.
E.Rybakınanyń ótken jyly Ýımbldonda fınalda týnıstik Ons Jaberdi utyp, chempıon atanǵany belgili. Ons Jaber de Londonda tabysty óner kórsetip jatyr. Ol da tórtinshi aınalymǵa ótti.
Qazaqstandyq sportshynyń 1/8 fınaldaǵy matchy dúısenbi kúni ótedi. Brazılııalyq tennısshi E.Rybakınany osyǵan deıin eki márte jeńdi.
Eske sala keteıik, budan buryn jas tennısshi Danıal Rahmatýllaevtyń Tegerandaǵy týrnırdiń chempıony atanǵanyn jazǵan bolatynbyz.
Tımofeı Skatov Germanııadaǵy jarystyń fınalyna shyǵa almady.
Ýımbldonda Elena Rybakına tórtinshi aınalymǵa shyqty.
Mıhaıl Kýkýshkın AQSh-taǵy týrnırdiń fınalynda óner kórsetedi.
Conymen qatar búgin Ýımbldon týrnıriniń tórtinshi aınalymynda Qazaqstannyń birinshi, álemniń 26-raketkasy Aleksandr Býblık dúnıejúzilik reıtıngte 7-orynda turǵan reseılik syralǵy qarsylasy Andreı Rýblevpen shırek fınal joldamasyn sarapqa salady.
