Elena Rybakına Istbýrn týrnırine qatysýdan bas tartty
Qazaqstan tennıs federatsııasynan málim etkenindeı, E.Rybakına Parıjde ótken Rolan Garros týrnıri kezindegi juqpadan keıin áli tolyq jazylmaǵan.
«Shyn mánisinde, aýrý aýyr tıdi. Rolan Garrosta oınaýdan bas tartqannan keıin, otelge oralǵanda jaǵdaı tipti qıyndady. Sondyqtan Parıjde birneshe kúnge qalyp, qonaqúı bólmesinen shyqpaýǵa týra keldi. Bir aptadan soń kógaldaǵy kortta jattyǵýdy bastadym, biraq vırýs bolǵandyqtan, aıyǵý qıyn boldy. Birte-birte ózime kelip, munda birneshe match ótkizip, Ýımbldonǵa deıin qalpyma kelem be dep oılaımyn. Ýımbldonǵa chempıon retinde kelý ońaı emes. Bári meni favorıt dep jatyr. Sondyqtan ótken jylǵy tájirıbem septesedi dep senemin. Ýımbldonǵa deıin áli bir apta bar. Eń bastysy, jaqsy kóńil-kúımen tabysty óner kórsetsem deımin», - dedi Elena Rybakına.
Istbýrn jarysynyń birinshi raketkasy bolyp tirkelgen qazaqstandyq tennısshi búgin reıtıngide 73-orynda turǵan qytaılyq, 22 jastaǵy Sııýı Vanmen kortqa shyǵýy kerek edi.
Eske sala keteıik, budan buryn Aleksandr Býblıktiń álemniń 27-raketkasy atanǵanyn jazǵan bolatynbyz.
Sondaı-aq Elena Rybakınanyń Istbýrn týrnırindegi qarsylasy belgili boldy.
Tımofeı Skatov Ýımbldonda irikteý týrnırinde baq synaıdy.
