Elena Rybakına Tsıntsınnatı týrnırinde jarysty jalǵastyrýdan bas tartty

ASTANA. QazAqparat – Qazaqstandyq tennısshi Elena Rybakına (WTA reıtıngisinde 4-oryn) Tsıntsınnatıdegi (AQSh) týrnırdiń 1/8 fınalynda ıtalııalyq sportshy Jasmın Paolınımen (43-oryn) matchty aıaqsyz qaldyrdy, dep habarlaıdy QazAqparat Sports.kz-ke silteme jasap.

E.Rybakına birinshi sette jeńiske jetti, esep— 6:2. Degenmen, esep 2:5 bolǵan sátte ıyǵynyń jaraqatyna baılanysty oıyndy toqtatýǵa májbúr boldy.

Osylaısha, Elena Rybakına týrnırde óner kórsetýin aıaqtady. Jasmın Paolını bolsa, jartylaı fınalǵa shyqty.

Aıta keteıik, Tsıntsınnatı týrnıriniń júlde qory bıyl 2 788 468 dollardy quraıdy. Jarys jeńimpazy 454 500 dollar alady, sondaı-aq reıtıngilik 900 upaıǵa ıe bolady.

Atalǵan týrnırdiń qazirgi chempıony Frantsııa ókili – Karolın Garsııa (6-oryn). Ol ótken jyly aqtyq kezeńde Chehııa tennısshisi Petra Kvıtovany (9-oryn) jeńgen edi.