Elena Rybakına Aýstralııadaǵy taǵy bir iri jarysty sátti bastady

Qazaqstannyń birinshi, álemniń 3-raketkasy Elena Rybakına Adelaıde (Aýstralııa) WTA 500 týrnırin sátti bastady, dep habarlaıdy Kazinform.

Jarystyń 1-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngide 61-orynda turǵan túbi moldovalyq, Ispanııa ókili Krıstına Býchamen kortqa shyqty.

Birinshi partııa ortasynda E.Rybakına breık jasaı bildi – 6:3.

Elena ekinshi setti breıkpen bastady – 2:0. Degenmen Krıstına tarazy basyn teńestire aldy – 3:3. Esep 5:5 bolǵan mezette Rybakına taǵy bir breıkke qol jetkizdi. Aqyry ekinshi matchbolyn eıspen túıindedi – 7:5.

Saǵat jarymǵa sozylǵan básekede Elena 11 breık jasap, 5 breık-poınttyń úsheýin óz esebine jazdy. K.Býcha 1 eıs, 1 breıkpen (8 breık-poınt) kózge tústi.

Osylaısha, dodany ekinshi aınalymnan bastaǵan qazaqstandyq tennısshi shırek fınalǵa joldama aldy.

Elena Rybakına jartylaı fınalǵa shyǵý úshin reseılikter, álemniń 16-raketkasy Veronıka Kýdermetova nemese reıtıngide 21-satydaǵy Ekaterına Aleksandrovanyń qaı jeńgenimen talasady.

Eske sala keteıik, budan buryn Beıbit Juqaevtyń Aýstralııa ashyq chempıonatyn jeńispen bastaǵanyn jazǵan bolatynbyz.

Sondaı-aq Aleksandr Nedovesov Aýstralııadaǵy týrnırdiń shırek fınalyna shyqty.

Aleksandr Býblık 21 eıs jasap, Adelaıde týrnıriniń shırek fınalyna ótti.