Elena Rybakına álemdik reıtıngide 12-orynǵa syrǵydy

ASTANA. KAZINFORM — Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııa etti. 

Madrıdtegi WTA 1000 týrnıriniń úshinshi aınalymynan asa almaǵan Qazaqstannyń birinshi raketkasy Elena Rybakına 11-den 12-ge syrǵydy.

Osy jarys jeńimpazy, Belarýs ókili Arına Sobolenko burynǵysha kóshtiń aldyn bermese, polıak Iga Shventek ekinshi, Madrıdte fınalǵa deıin jetken amerıkalyq Korı Gaýff úshinshi satyda tur.

Ispanııa astanasynda ekinshi aınalymnan asa almaǵan taǵy bir qazaqstandyq ıÝlııa Pýtıntseva 24-ten 29-ǵa tómendedi.

Juptyq synda Anna Danılına 17-ornyn saqtap qalsa, ıÝlııa Pýtıntseva 76-dan 77-ge, Germanııada Vısbaden ITF W100 jarysynda jeńimpaz atanǵanyna qaramastan, Jibek Qulambaeva 106-dan 127-ge quldyrady.

Elena Rybakına men ıÝlııa Pýtıntseva jýyrda bastalatyn Rım (Italııa) WTA 1000 dodasynda sátti óner kórsetse, reıtıngidegi oryndaryn jaqsarta alady.

Elena Rybakına 2023 jyly Rımde úzdik shyqsa, ótken jyly densaýlyǵyna baılanysty odan tys qalǵan edi. Al ıÝlııa Pýtıntseva úshinshi aınalymǵa deıin jetken bolatyn.

Eske sala keteıik, budan buryn Jibek Qulambaevanyń Germanııadaǵy jarysta úzdik shyqqanyn jazǵan edik.