Elena Rybakına Ábý-Dabı týrnıriniń shırek fınalyna shyqty

ÁBÝ-DABI. KAZINFORM — Qazaqstannyń birinshi, álemniń 5-raketkasy Elena Rybakına Ábý-Dabı WTA 500 týrnıriniń shırek fınalyna shyqty.

Aýstralııa ashyq chempıonatyndaǵy sátsizdikten keıin reıtıngide 5-satyǵa túsip qalǵan E.Rybakına úshin bul jarys mańyzdy edi.

Dodanyń birinshi raketkasy bolyp tirkelgen qazaqstandyq tennısshi ekinshi aınalymda reıtıngide 71-oryndaǵy amerıkalyq Danıel Kollınzben sheberlik baıqasty.

Olar osyǵan deıin ózara úsh ret kezdesip, sonyń ekeýinde Rybakına jeńgen edi.

Bul joly Kollınz ońaı shaǵylatyn jańǵaq emestigin kórsetip, birinshi partııada basym tústi — 6:4.

Esesine ekinshi sette Elena ese qaıtardy — 6:3.

Úshinshi, sheshýshi partııada qazaqstandyq sportshy jeńisti julyp aldy — 6:3.

Eki saǵat 20 mınýtqa sozylǵan tartysty matchta Rybakına 3 eıspen birge 13 breık-poınttyń altaýyn paıdalandy. Qarsylasy 2 eıs, 4 breıkpen (9 breık-roınt) shekteldi.

Elena Rybakına jartylaı fınalǵa shyǵý úshin álemniń 74-raketkasy, Ispanııa ókili Krıstına Býcha nemese reıtıngide 156-satydaǵy brıtanııalyq Hıter Ýotsonnyń bireýimen talasady.