Elektrondyq bıletti engizý 1,5 mlrd teńgeni únemdeýge múmkindik berdi
Sybaılas jemqorlyqqa qarsy is-qımyl agenttigi bastamashylyq etken «Adal jol» jobasy aıasynda «Qazaqstan temir joly» UK» AQ-da temir jol bıletterin zańsyz satyp alýshylardy joıýǵa baǵyttalǵan jumys júrgizildi.
«Poıyz bıletterin «alypsatarlardy» zańsyz tabys kózinen aıyrý – jobanyń negizgi maqsaty men mindeti. Búgingi tańda kóptegen bıznes-úderister ózgertilip, bıletterdi satyp alý/satý baǵdarlamasy jańartyldy. Osylaısha, jańa baǵdarlamada josyqsyz paıdalanýshylardy buǵattaý tetikteri kózdelgen jáne elektrondyq «kútý paraǵy» nemese elektrondyq kezek engizilgen«, - deıdi «Adal jol« jobalyq keńsesiniń jetekshisi Islambek Maıshekın.
Onyń aıtýynsha, jańashyldyqtar buryn ońaı qoldan jasalatyn qaǵaz bıletterden alshaqtap, azamattar basyp shyǵarmaı-aq mobıldi qurylǵylarda kórsete alatyn elektrondy bıletterge kóshýge múmkindik berdi.
« Nátıjesinde, qymbat blankiler men jabdyqtardan bas tartý 1,5 mlrd teńgeni únemdeýge múmkindik berdi. Qabyldanǵan sharalar alypsatarlar máselesin joıýǵa jáne temir jol bıletteriniń jasandy tapshylyǵyn ishinara sheshýge múmkindik berdi.
«Adal jol» jobasy aıasynda osy jyldyń sońyna qaraı Digital ID tehnologııasy negizinde jolaýshylardyń jeke basyn bıometrııalyq sáıkestendirý júıesin synaqtan ótkizý josparlanyp otyr. Jolaýshylardyń barlyq derekteri tsıfrlandyrylyp, sáıkestendirý adamnyń áserinsiz arnaıy qurylǵylarmen júrgiziletin bolady. Adam faktoryn joıatyn osyndaı tehnologııalar Qytaı, Sıngapýr, Malaızııa, Gonkong jáne Ulybrıtanııa elderinde tabysty iske asyrylýda», - deıdi ol.
Sondaı-aq, qazirgi ýaqytta «Adal jol» jobalyq keńsesi «Qazaqstan temir joly» UK» AQ ortalyq apparaty men enshiles kompanııalarynyń qyzmetindegi jemqorlyq táýekelderine taldaý júrgizýde. Azamattar jemqorlyq táýekelderin azaıtý jáne temirjol jolaýshylary men júk tasymaly salasyn jetildirý boıynsha óz usynystaryn adalzhol@bk.ru elektrondyq poshta mekenjaıyna nemese 8 702 447 74 02 nómirine jibere alady.
