Elektrondy aýktsıonnyń artyqshylyǵy nede –depýtattyq saýalǵa jaýap
Vedomstvonyń jaýabyna sáıkes Energetıka mınıstrliginiń saıasaty aýktsıonǵa qatysýshylar úshin aqparatty barynsha qoljetimdi ári ashyq etýge baǵyttalǵan.
«Birinshiden, 1 qyrkúıekten bastap kómirsýtek ken oryndarynyń aýmaǵyn paıdalaný quqyǵyn elektrondy túrde (onlaın) berýge qatysty elektrondy aýktsıondar júıesi iske qosyldy. Koronavırýstyń taraý qaýpi men sharalardy ótkizýge shekteý jaǵdaıynda – bul jańashyldyqtyń mańyzy zor. Ekinshiden memleket belgilegen ken oryndarynyń 82 ýchaskesiniń bári de elektrondy aýktsıon portalyna – Qazaqstannyń ınteraktıvti kartasyna (traderesources.gosreestr.kz) ornalastyrylǵan», - dep habarlaıdy vedomstvodan.
Mınıstrliktiń baspasóz qyzmeti qazir ol karta kez kelgen qoldanýshy, aýktsıonǵa qatysýshy úshin qoljetimdi ári ashyq ekenin habarlaıdy.
«Ár ýchaskeniń statýsy kórinip tur. Máselen onyń aýktsıonǵa qoıylǵany nemese qoıylmaǵany belgilengen. Saýda júıesiniń kez kelgen qoldanýshysy bul aqparatpen tanysa alady», - dep túsindiredi vedomstvodan.
Energetıka mınıstrligi sonymen qatar aýktsıondardyń elektrondy júıesi týraly aqparat Qazaqstannyń tanymal búkil BAQ-tarynda, Reseıdiń, Ýkraına, Ázerbaıjannyń aqparattyq resýrstarynda jarııalanǵanyn habarlaıdy. Sol sebepti naryqtyń kásibı qatysýshylary budan burynnan habardar. Sonymen qatar saýda alańynyń ózinde júıede qalaı jumys isteý kerektigi, ótinimdi toltyrý tártibi vıdeonusqaý retinde jarııalanǵan.
Úshinshiden ýchaske júıege qatysýshylardyń biri elektrondy ótinim qaldyrǵannan keıin aýktsıonǵa qoıylady. ıAǵnı munda aıqyndaýshy faktor – Energetıka mınıstrliginiń ustanymy emes, aýktsıonǵa qatysýshylardyń belsendiligi bolyp otyr. Mınıstrlik konkýrstyq usynystardyń jasandy defıtsıtin qurýǵa múddeli emes.
Búginge deıin saýda júıesine 16 ýchaske boıynsha aýktsıon ótkizýge ótinim kelip túsken. Qazir ony ótkizýdiń barlyq qajetti sharasy, mehanızmi qolǵa alynyp, naqty merzimder pysyqtalýda.
«Karantın men áýe qatynastary shektelip turǵan ýaqytta sheteldik ınvestorlar úshin de mundaı elektrondy aýktsıonǵa qatysý yńǵaıly bolyp tur. Zańnama men qalyptasqan tájirıbege sáıkes Qazaqstan Respýblıkasynyń rezıdentteri sanalmaıtyndar da senimdi tulǵalar arqyly elektrondy tsıfrly qoltańba alyp, sol arqyly onlaın aýktsıonǵa qatysa alady. ıAǵnı shetel azamattary osy úshin Qazaqstanǵa ushyp kelip, meıramhanaǵa ornalasyp, aýktsıon zaldaryna kelip áýrelenbeıdi. Osylaısha tsıfrly saýda alańy ınvestıtsııa tartý múmkindikteriniń sheńberin keńeıtýde», - dep habarlaıdy baspasóz qyzmetinen.
Mınıstrlik aýktsıonǵa qatysý jarnasyn onlaın tóleýge bolatynyn, al odan túsken qarajat eldiń bıýdjetine túsetinin eskertedi.
Elektrondy aýktsıondardyń operatory – «IÝTs» AQ tolyǵymen memlekettik uıym. Ol Úkimettiń 2011 jyldyń 1 naýryzyndaǵy qaýlysymen memlekettik múlikti tirkeý salasyndaǵy biryńǵaı operator sanalady.
Aıta ketsek budan buryn Senat depýtattary Úkimet basshysyna depýtattyq saýal joldap, elektrondy aýktsıondardy ótkizýde qoǵam ókilderin tartyp, bul salany erekshe nazarǵa alý kerektigin jetkizgen edi.
