Elektr energetıkasyn damytý ınstıtýty Dúnıejúzilik bankten 100 mln dollar tartpaq

NUR-SULTAN. QazAqparat - «Elektr energetıkasyn damytý jáne energııa únemdeý ınstıtýty» AQ Dúnıejúzilik bankten 100 mln. AQSh dollary kóleminde qarajat tartýǵa nıetti, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

«Elektr energetıkasyn damytý jáne energııa únemdeý ınstıtýty» AQ 500-ge jýyq áleýmettik mańyzy bar nysandy jańǵyrtýǵa Dúnıejúzilik bankten 100 mln. AQSh dollary kóleminde qaryz qarajatyn tartýǵa nıetti.

Bul bastamany iske asyrý qurylys kezeńinde 13 000 adamdy jumys ornymen qamtamasyz etýge, 24 mlrd. teńge somasyna jergilikti qamtý taýarlaryn satyp alýǵa múmkindik beredi, tıisinshe bul otandyq óndiristi damytýǵa aqpal etedi»,-delingen habarlamada.

Budan bólek, 3 mlrd.teńge mólsherinde bıýdjet qarajatyn jyldyq únemdeýdi jáne 4,5 mlrd. teńge kóleminde bıýdjetke salyq túsimin alý kózdelýde.