Eldiń basym bóliginde jańbyr jaýady

ASTANA. KAZINFORM – «Qazgıdromet» RMK  Qazaqstannyń birqatar óńirinde aýa raıyna baılanysty eskertý jarııalady. 

Atyraý oblysynda 10 maýsymda oblystyń batysynda, shyǵysynda jáne ońtústiginde naızaǵaı kútiledi. Kúndiz aptap ystyq bolady: +35…+36°. Soltústik-batysta, ortalyqta jáne shyǵysta tótenshe órt qaýpi saqtalady. Atyraý qalasynda túnde naızaǵaı, kúndiz +35° ystyq bolady.

Batys Qazaqstan oblysy kúndiz +35…+37° qatty ystyq bolady. Soltústikte joǵary, al ońtústikte tótenshe órt qaýpi saqtalady.

Mańǵystaý oblysynyń ońtústiginde, shyǵysynda jáne ortalyǵynda naızaǵaı bolady. Soltústik-batys, ońtústik-shyǵys jáne ortalyqta joǵary, soltústigi men shyǵysynda tótenshe órt qaýpi saqtalady.

Jambyl oblysynyń soltústik-batysynda, ońtústiginde jáne taýly aımaqtarynda naızaǵaı bolady. Jel ońtústik-batystan, ekpini 15-20 m/s, keı jerlerde 25 m/s jetedi. Shyǵysynda joǵary órt qaýpi saqtalady. Tarazda kúndiz naızaǵaı, túnde jáne tańerteń jel ekpini 15-20 m/s jetedi. Tótenshe órt qaýpi bar.

Aqtóbe oblysy: Ońtústik-shyǵysta naızaǵaı bolady. Ortalyqta joǵary, soltústik, ońtústik-shyǵys, ońtústik jáne batysta tótenshe órt qaýpi saqtalady. Aqtóbe qalasynda da tótenshe órt qaýpi jalǵasady.

Qyzylorda oblysynyń ortalyǵy, soltústik jáne ońtústiginde naızaǵaı, daýyl jáne shańdy daýyl kútiledi. Jel ekpini batys, soltústik-batystan 15-20 m/s jetedi. Tótenshe órt qaýpi saqtalady. Qyzylorda qalasynda túnde jáne tańerteń naızaǵaı bolady. Tótenshe órt qaýpi bar.

Pavlodar oblysynyń batysy men ońtústiginde joǵary órt qaýpi saqtalady.

Qaraǵandy oblysynyń batysy, shyǵysy jáne ońtústiginde naızaǵaı kútiledi. Jel soltústik-shyǵystan, túnde ońtústikte, kúndiz batys, soltústik jáne ońtústikte 15-18 m/s. Joǵary órt qaýpi saqtalady.

Ulytaý oblysynda túnde batysynda, soltústik jáne ortalyǵynda, kúndiz naızaǵaı bolady. Jel soltústik-shyǵystan ońtústik-shyǵysqa aýysady, túnde jáne tańerteń batys pen ortalyqta 15-18 m/s. Oblysta joǵary, ońtústikte tótenshe órt qaýpi saqtalady. Jezqazǵanda naızaǵaı, jeldiń ekpini túnde 15 m/s.

Shyǵys Qazaqstan oblysy: Batys, soltústik jáne shyǵysta naızaǵaı, kúndiz burshaq jaýýy múmkin. Túnde jáne tańerteń soltústikte tuman túsedi. Jel soltústik-batystan, 15-20 m/s. Ońtústik jartysynda joǵary órt qaýpi bar. Óskemende naızaǵaı, burshaq jaýýy yqtımal jel 15-18 m/s.

Abaı oblysynda túnde soltústik pen shyǵysta naızaǵaı bolady. Jel soltústik-shyǵystan 15-20 m/s. Batys, soltústik, shyǵys jáne ortalyqta joǵary, batys pen ońtústik-batysta tótenshe órt qaýpi saqtalady.

Soltústik Qazaqstan oblysynda batys jáne soltústiginde joǵary órt qaýpi bar. Petropavlda da órt qaýpi joǵary.

Túrkistan oblysynda taýly aımaqtarda naızaǵaı bolady. Jel soltústik-batystan 15-20 m/s. Oblys boıynsha tótenshe órt qaýpi saqtalady. Shymkent pen Túrkistanda da sol jaǵdaı.

Aqmola oblysynyń ońtústiginde joǵary órt qaýpi saqtalady.

Qostanaı oblysynyń ońtústiginde naızaǵaı jáne burshaq kútiledi. Jel soltústik-shyǵystan 15-20 m/s. Ońtústik-shyǵys, soltústik-batys jáne ortalyqta joǵary, ońtústikte tótenshe órt qaýpi saqtalady. Qostanaıda joǵary órt qaýpi bar.

Jetisý oblysynyń taýly aımaqtarynda naızaǵaı bolady. Jel soltústik-shyǵystan, shyǵysta 15-20 m/s. 10-12 maýsymda kúndiz +35° ystyq. Joǵary, soltústik pen shyǵysta tótenshe órt qaýpi bar. Taldyqorǵanda da aptap saqtalady.

Almaty oblysynyń ońtústiginde jáne taýly aımaqtarda naızaǵaı. Jel ońtústik-batystan, ekpini 15-20 m/s. 10-12 maýsym kúnderi +35° ystyq, joǵary jáne soltústik-batysta tótenshe órt qaýpi saqtalady. Almatyda naızaǵaı, Qonaevta joǵary órt qaýpi jalǵasady.