Eldiń 20 qalasy 5G ınternet jelisimen qamtyldy
ALMATY. KAZINFORM – «Digital Almaty» forýmynyń plenarlyq otyrysynda QR Premer-Mınıstri Álıhan Smaıylov óńirdegi ınternettiń sapasyn jaqsartý máselesin qozǵady.Úkimet basshysy byltyr Qazaqstanda «qoljetimdi ınternet» ulttyq jobasy qabyldanǵanyn jetkizdi.
«Elimizdiń 20 qalasyna 5G ınternet jelisi iske qosyldy. Ony qazir 2 mln astam adam paıdalanady. «Qoljetimdi ınternet» ulttyq jobasynyń basty ereksheligi - 2027 jylǵa deıin elimizdi 100 paıyz qamtý. Sondaı-aq bıyl eki myń shalǵaıdaǵy aýyl mektebin joǵary jyldamdyqty ınternetpen qamtamasyz etemiz. Kelesi jyly 8 mln astam adamdy 5G ınternet jelisin qoldanatyn bolady»,- dedi Álıhan Smaıylov.
«Tsıfrlyq Qazaqstan» baǵdarlamasyndaǵy negizgi baǵyttardyń biri - «Tsıfrlyq Jibek joly».
«Qazaqstan tsıfrlyq álemde jańa Jibek jolynyń negizgi qatysýshysy bolýǵa umtylýda. Kórshilerimizben birge biz Kaspıı túbindegi talshyqty-optıkalyq baılanys jelileri arqyly Parsy shyǵanaǵy elderine optıkalyq qoljetimdilikti qamtamasyz etý nusqalaryn qarastyryp jatyrmyz»,- dep atap ótti Úkimet basshysy.
Eske salaıyq, Almatyda Eýrazııalyq úkimetaralyq keńes músheleriniń plenarlyq otyrysy ótip jatyr.
