Elden qansha astyq eksporttaldy

ASTANA. KAZINFORM — «Qazaqstan temir joly» ulttyq kompanııasynyń málimetinshe, bıyl qyrkúıek-qazan aılary aralyǵynda Qazaqstannan jańa ónimdi astyqtyń 2 mıllıon tonnasy eksporttaldy. 

Salystyrmaly túrde qarasaq, ótken jyldyń osy kezeńinde bul kórsetkish 1,8 mıllıon tonna bolǵan. Bul eksport kóleminiń turaqty ósip kele jatqanyn kórsetedi.

Atap aıtqanda, Ózbekstanǵa eksport kólemi 42%-ǵa artyp, 738 myń tonnadan 1 049 myń tonnaǵa deıin artty. Qyrǵyzstanǵa jetkizilim kólemi 2,6 esege, 24 myńnan 64 myń tonnaǵa deıin, Ázerbaıjanǵa 3,1 esege (18 myńnan 56 myń tonnaǵa deıin), Aýǵanstanǵa 42,5%-ǵa (73 myńnan 104 myń tonnaǵa deıin), al Túrikmenstanǵa 2,3 esege (3 myńnan 7 myń tonnaǵa deıin) ósti.

Astyq eksportynyń kórsetkishi Qazaqstannyń halyqaralyq naryqtaǵy bedeliniń nyǵaıǵanyn jáne ulttyq aýyl sharýashylyǵy ónimderiniń básekege qabilettiliginiń artqanyn kórsetedi. 

Aıta ketelik elimizde egin jınaý naýqany qalaı júrip jatqany týraly jazǵan edik.