Elde balalardy tsıfrlyq keńistikte qaýip-qaterden qorǵaýdy kúsheıtti

ASTANA. KAZINFORM – Jyl basynan beri býllıngtiń 145, al ákimshilik jaýapkershilik engizilgennen beri 327 derek tirkeldi. Bul týraly Úkimettiń baspasóz qyzmeti habarlady. 

Prezıdenttiń tapsyrmalary sheńberinde Úkimet Іshki ister mınıstrligi arqyly kámeletke tolmaǵandardy qorǵaý jónindegi sharalar keshenin júıeli negizde iske asyrady. Jumys mektepterdegi quqyq buzýshylyqtardyń aldyn alýdan bastap, otbasyndaǵy zorlyq-zombylyq jaǵdaılaryna jáne tsıfrlyq keńistiktegi qaýipterge jaýap berýge deıingi kóptegen baǵyttardy qamtıdy.

«Zań jáne tártip» qaǵıdatyn iske asyrý sheńberinde jyl basynan beri «Jasóspirim», «Túngi qaladaǵy balalar», «Nazar aýdaryńyz – balalar!» jáne taǵy basqa keń aýqymdy profılaktıkalyq aktsııalar turaqty túrde ótkizilip keledi. «Jasóspirim» jedel aldyn alý is-sharasynyń birinshi kezeńi 10 sáýirden 6 mamyrǵa deıin, ekinshisi – 19-31 mamyr aralyǵynda ótti. Osy kezeńde balalardyń túnde eresekterdiń qaraýynsyz, ásirese oıyn-saýyq oryndarynda bolýyn baqylaýǵa erekshe nazar aýdarylady.

Jazǵy demalys kezinde balalardyń jol-kólik jaraqattarynyń aldyn alý máselelerine erekshe mán beriledi. 20-26 mamyr aralyǵynda «Nazar aýdaryńyz – balalar!» onyń barysynda tasymaldaý baǵyttary tekserilip, joldardyń qaýipti ýchaskeleri taldanyp, bilim berý organdarymen keńester ótkizildi. Budan basqa, balalardy avtobýstarmen tasymaldaý talaptarynyń saqtalýyn tekserý uıymdastyryldy, jergilikti avarııalyq oshaqtar oryndaryna taldaý júrgizildi, balalardyń jazǵy demalys nysandarynyń mańyndaǵy kóshe-jol jelileri zertteldi, sondaı-aq bilim berý organdarymen nusqaýlyq keńester ótkizildi.

Sondaı-aq balalarǵa qatysty qylmystarǵa qarsy is-qımyl bóliginde polıtsııanyń jumysy kúsheıtildi. 2024 jyldan bastap anyqtaý tásiline basa nazar aýdaryldy, oqý oryndarynda profılaktıka kúsheıtildi, bul jasóspirimder arasynda bopsalaý faktilerin kóbirek anyqtaýǵa múmkindik berdi. Jyl basynan beri býllıngtiń 145, al ákimshilik jaýapkershilik engizilgennen beri 327 derek tirkeldi. Býllıngtiń aldyn alý Oqý-aǵartý mınıstrligimen úılestirilip, quqyqtyq, psıhologııalyq jáne áleýmettik kómek sharalaryn qamtıdy.

Balalar tárbıelenetin otbasylarǵa barǵan kezde, sondaı-aq zorlyq-zombylyq týraly sıgnaldar túsken kezde polıtsııaǵa den qoıýdyń arnaıy algorıtmi engizildi. Búkil el boıynsha prokýrorlardyń, pedagogtardyń, polıtsııa jáne áleýmettik qyzmetterdiń qatysýymen ákimdikter janynan vedomstvoaralyq mobıldik toptar jumys isteıdi.

Jyl basynan beri 16 jasqa deıingi balalardy qoǵamdyq kólikten kúshtep túsirýdiń 59 jaǵdaıy tirkeldi. Olardyń barlyǵy toqtatyldy. ІІM bul norma zańnamalyq deńgeıde retteletinin jáne ony buzý jaýapkershilikke tartylatynyn eske salady.

Qazaqstandaǵy barlyq mektepterge júıeli profılaktıkalyq jumys júrgizetin 7,5 myńnan astam polıtsııa qyzmetkeri bekitilgen. Tek osy jyly quqyq qorǵaý organdarynyń mamandary ata-analarmen kezdesýlerdi qosa alǵanda, 52 myńnan astam quqyqtyq dáris ótkizdi, onda bala tárbıesi salasyndaǵy quqyqtar men mindetter túsindiriledi.

Kıberqaýipsizdik sııaqty baǵyt ta damyp keledi. ІІM kıberqylmysqa qarsy is-qımyl departamenti táýlik boıy ınternettegi zańǵa qaıshy kontenttentterge monıtorıng júrgizedi. Aǵymdaǵy jyly 58 myńnan astam qaýipti resýrstar anyqtaldy, olardyń 21 myńnan astamy «Kıbernadzor» júıesi arqyly buǵattaldy.

Aıta ketelik bıyl balaly otbasylardy áleýmettik qoldaýǵa 1,7 trln teńge bólindi.