Elde 5 myńnan astam buqaralyq aqparat quraly bar
ASTANA. KAZINFORM – Qazirgi kezde elde 5029 buqaralyq aqparat quraly bar, onyń 306-sy — sheteldik BAQ. Tek 2025 jyldyń ózinde 515 jańa BAQ tirkeldi.
2025 jyl Qazaqstannyń medıa salasy úshin júıeli reformalar, ınstıtýtsıonaldyq damý jáne kásibı standarttardy nyǵaıtý kezeńi boldy.
Salanyń mańyzdy baǵyttardyń biri — otandyq baspa uıymdaryn qoldaý. 2025 jylǵy 18 shildede Memleket basshysy qol qoıǵan zańǵa sáıkes, jańa Salyq kodeksi boıynsha baspa túrindegi kitap ónimderine qosymsha qun salyǵy 10% mólsherde belgilendi.
Sonymen qatar, mınıstrlik 2025 jyly «Onlaın-platformalar men mass-medıa máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» jáne «Onlaın-platformalar men mass-medıa máseleleri boıynsha Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobalaryn ázirledi.
Aqparat salasy boıynsha halyqaralyq yntymaqtastyq ta qarqyndy damydy. Osy jyly Túrkııamen birlesip «Qaıta oralǵan Úmit» atty 100 serııaly telehıkaıanyń túsirilimi aıaqtaldy, alǵashqy Qazaqstan-Qytaı birlesken joba «Іlede kútemin…» teleserıaly túsirildi, sondaı-aq Reseı Federatsııasymen «Allıgator» atty segiz serııaly kórkem teleserıal ázirlendi.
Aıta ketelik «Ádil sóz» halyqaralyq qorynyń prezıdenti Qarlyǵash Jamanqulova Qyzylordada ótip jatqan V Ulttyq quryltaıda Prezıdentten otandyq BAQ-qa qoldaý kórsetýdi suraǵan edi.