Eldi mekenderde 15 mıllıonnan astam aǵash otyrǵyzyldy
ASTANA. KAZINFORM — Memleket basshysynyń eldi mekender aýmaǵynda 15 mıllıon aǵash otyrǵyzý jónindegi tapsyrmasyn iske asyrý aıasynda oblystardyń eldi mekenderin kógaldandyrý jáne jasyl aımaqtar qurý boıynsha óńirlik josparlar bekitildi.
— 2021 jyldan bastap 2025 jylǵa deıingi kezeńge jyl saıyn 3 mıllıonnan astam aǵash otyrǵyzý josparlanǵan bolatyn. Alaıda óńirlerdiń jyldyq josparlardy artyǵymen oryndaýyna baılanysty, jalpy alǵanda, 2021 jyldan 2025 jylǵa deıin eldi mekenderde 15,7 mıllıonnan astam aǵash otyrǵyzyldy, — delingen Orman sharýashylyǵy jáne janýarlar dúnıesi komıteti habarlamasynda.
Bıyl kóktemgi kezeńde (2025 jylǵy 2 mamyrdaǵy jaǵdaı boıynsha) eldi mekender aýmaǵynda 1,4 mıllıon aǵash otyrǵyzyldy.
— Bul jumys eldi mekenderdiń ekologııalyq jaǵdaıyn jaqsartý, halyqtyń ómir súrý sapasyn arttyrý jáne elimizdiń jasyl qoryn ulǵaıtý maqsatynda jalǵasatyn bolady, — delingen habarlamada.
Aıta ketelik Jambyl oblysynda ormandy alqapqa 143 mıllıonnan astam aǵash otyrǵyzý josparlanǵany týraly jazǵan edik.