Eldi mekenderdi gazdandyrýdyń ulttyq standarty ózgerýi múmkin
ASTANA. KAZINFORM – Premer-mınıstr Oljas Bektenov Úkimet otyrysynda Ónerkásip, Energetıka jáne Saýda mınıstrlikterine eldi mekenderdi gazdandyrýdyń ulttyq standarttaryn qaıta qaraýdy tapsyrdy.
- Gazdandandyrý jumystaryn zamanaýı tehnologııalardy qoldaný arqyly da jedeldetip júrgizýge bolady. Mysaly, shetelde qubyrlardy mehanıkalyq tásilmen qosý tehnologııasy qoldanylady. Bul qubyr tóseý jumystaryn barynsha jedeldetýge múmkindik beredi. Alaıda, atalǵan tehnologııany damytý úshin ulttyq standarttardy qaıta qaraý kerek bolady. Óıtkeni qazirgi tańda qubyrlardy qosý dánekerleý arqyly ǵana júredi. Osyǵan baılanysty Ónerkásip, Energetıka jáne Saýda mınıstrlikterine tıisti rásimderdi qamtamasyz etýdi tapsyramyn, - dedi Úkimet basshysy.
Sondaı-aq, ol «QazaqGaz» kompanııasyna 2026 jyldyń 1 tamyzyna deıin taýarlyq gazdy óndirý men tutyný tizbegin tsıfrlyq esepke alýdy tapsyrdy.
Eske salsaq, Prezıdent Qasym-Jomart Toqaev Jańaózen gaz óńdeý zaýyty qurylysynyń keshigýin Úkimettiń óreskel olqylyǵy retinde baǵalaǵan edi.