Eldi meken ishinde kólikpen júrý jyldamdyǵy azaıtylýy múmkin

ASTANA. KAZINFORM — Іshki ister mınıstrligi eldi mekenderdiń ishinde kólikpen júrý jyldamdyǵyn túsirýdi josparlap otyr.

Ákimshilik polıtsııa komıtetiniń tóraǵasy Qaısar Sultanbaev Ortalyq kommýnıkatsııalar qyzmetinde ótken baspasóz máslıhatynda atalǵan máseleni Parlament depýtattarynyń talqylaýyna shyǵaratyndaryn aıtty.

— Eldi mekenderdiń ishinde jyldamdyq rejımin tómendetý máselesine kelsek, jalpy Ákimshilik polıtsııa komıtetiniń ujymy zań men tártip qaǵıdaty aıasynda zań shyǵarý isimen, qoldanystaǵy normatıvtik-quqyqtyq aktilerdi jetildirýmen únemi aınalysyp otyrmyz. Onyń ústine Іshki ister mınıstri osy jyldy qylmystardyń aldyn alý jyly etip jarııalady, — dedi ol.

Aıtýynsha, usynys qazir talqylaý satysynda tur.

— Qazir bul máseleni jumys tártibimen qarap jatyrmyz. Parlament depýtattary demalystan jumysqa shyqqan kezde osy máseleni solarmen talqylaımyz. Bul másele qazir talqylaý satysynda. Qandaı sheshim qabyldanǵanyn keıin qosymsha habarlaımyz, — dedi ІІM ókili.

Buǵan deıin Almaty polıtsııasy elektrli samokat paıdalanýshylarǵa úndeý jasaǵanyn jazǵan edik.