Elbasynyń Joldaýy shet elderde de aıtarlyqtaı rezonans týdyryp otyr - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 28 qarasha, juma kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

"Elbasynyń Joldaýy shet elderde de aıtarlyqtaı rezonans týdyryp otyr", dep jazady "Egemen Qazaqstan" gazeti búgingi sanynda.

"Memleket basshysynyń Qa­zaq­stan halqyna Joldaýy shet elderde aıtarlyqtaı rezonans týdyrdy. Elimizdiń táýelsizdik jyldaryndaǵy kúsh-jigeri men jetistikterine, sondaı-aq álem­degi uzaqqa sozylǵan saıası jáne ekonomıkalyq turaqsyzdyq kezeń­inde qabyldanǵan sheshimderine birqatar kórnekti saıası qaırat­kerler, bedeldi sarapshylar men sholýshylar, isker qaýym ókilderi joǵary baǵa berdi", - delinedi maqalada.

Atap aıtqanda, Laos Prezıdenti T.Saınıasoný Memleket basshysy júrgizip otyr­ǵan ekonomıkalyq saıasat pen halyqaralyq arenadaǵy Qazaq­stannyń jetistikterin, sondaı-aq «Nurly Jol» jańa ekonomıkalyq baǵdarlamasyn aıryqsha atap ótti. Óńirdiń damýynda Qazaq­stannyń atqaryp otyrǵan mańyzdy róline Aýǵanstannyń atqarýshy bıliginiń basshysy A.Abdýlla da toqtalyp ótken. Túrkııanyń Energetıka jáne mıneraldyq resýrstar mı­nıstri T.Iyldyz «Nurly Jol» baǵdar­lamasyn ekonomıkalyq damý­dyń, memlekettilikti jáne Qazaq­standaǵy ult birligin nyǵaıtýdyń jańa baǵyty dep atapty. Parlament depýtaty, «Qazaqstan - Grekııa» parlamenttik Dostyq tobynyń tóraǵasy V.Polıdoras álemdegi qıyn ekonomıkalyq ahýalǵa qaramastan qazirdiń ózinde ekonomıkalyq sekiris platformasyna daıyndyqqa kirisken Nursultan Nazarbaevtyń saıası kóregendigine toqtalady. Jańa Joldaýdyń mán-mańyzyna qa­tys­ty óz kózqarasyn Italııa Senatynyń Qarjy jáne qazynashylyq jónindegi komıtetiniń tóraǵasy, bıliktegi Demokratııalyq partııanyń múshesi M.Marıno da bildirgen. Bul tizim osylaı jalǵasa beredi. Tolyǵyraq, atalǵan materıaldan oqı alasyzdar.

*** "Aıqyn" gazeti «Q azaqstan « álemdik ondyqqa kirmek » taqyrybymen Qazaqstannyń energetıkalyq áleýetine qatysty qyzyqty derekterdi alǵa tartýda.

"Qazaq eli búkil adamzatty qýattandyrýshy on eldiń qataryna kiretin bolady. Bul týraly keshe Astanada ótken Energetıkalyq hartııa boıynsha jahandyq jıynda Qazaqstan Úkimetiniń basshysy Kárim Másimov jarııa etti.

Bul úshin memleketimiz energııalyq resýrstar óndirisin arttyra berýge nıetti. Máselen, Energetıka mınıstri V.Shkolnıktiń málimetinshe, 2020 jyldan keıin respýblıka jyl saıyn 100 mıllıon tonnadan astam kómirsýtek óndirýdi josparlaýda. ıAǵnı qazaq jeriniń qoınaýynan kún saıyn 2 mıllıon bóshke munaı shyǵaryla bastamaq!", - delingen maqalada.

K. Másimovtiń oıynsha, energetıkalyq resýrstar óndirisi elimizde taıaý jyldary tek óse beretin bolady. Qazaqstan sondaı-aq taqtatas gazyn ıgerý boıynsha jobalardy ázirleýge kirispek.

***

Qazaqtyń túpki tegi qaıdan shyqqan? Syrtqy bitim- bolmysy, keskin-kelbeti san alýan bolyp keletin qandastardyń boıynda kimniń qany bar? Ultymyzdyń genetıkalyq shyǵý tórkinin anyqtaýdy usynǵan Qazaqstan ulttyq geografııalyq qoǵamynyń belsendileri ol úshin Ulytaýdaǵy jergilikti turǵyndardyń genofondyn zertteýdi usynady, dep habarlaıdy "Aıqyn" basylymy "U lttyń genefondy U lytaýda ma ?" taqyrybyndaǵy maqalasynda.

"Óz kezeginde qoǵam jetekshileri Qa­zaq handyǵynyń 550 jyldyq mereıtoıy aıasynda Alashtyń qasıetti mekenine aı­nalǵan Ulytaý aımaǵy erekshe nazarǵa alynýy kerek, - dedi keshe Astanada Ortalyq kommýnıkatsııalar qyzmetinde brıfıng ótkizgen Qazaqstan ulttyq geografııalyq qoǵamy basshyla­rynyń biri Sáýlet Sákenov. - Bizdiń oıymyzsha, negizi, ulytaýlyq turǵyndardyń gene­tıkalyq materıaldaryn alyp, qa­zaqtyń genofondyna zertteý de jasaýǵa bolady. "Ulytaý qazaqtardyń aralasyp, bir-birimen bas qosatyn ortalyǵy bolǵan. Osynaý keń dalada tildik erekshelikter men dıalektiniń joqtyǵy da osydan. Qaı­bir zamanda da Ulytaý ulttyń uıasyna aınalǵan. Munda Shyńǵys hannyń úlken uly Joshydan bastap nebir ataqty han­dar­dyń da jerlenýi tegin emes. Qazirgi kez­de Nazarbaev Ýnıversıtetinde Qazaq­standaǵy jergilikti halyqtyń genetıkalyq qurylymyn zertteý qolǵa alyndy. Biz bul isti bastaǵan komandamen júzdesip, Uly­taýǵa shaqyrdyq. Olar keıin Ulytaýǵa soǵyp, aıtylǵan jerden de genetıkalyq materıal alýǵa bolatynyn aıtty. Bul joba bizdiń kómegimizben júzege asýy yqtımal. Mundaǵy oıymyz qazaqtardyń genetıkalyq qurylymyn bilgimiz keledi. Sodan soń genetıkalyq baılanystardy da anyqtaǵymyz kelip otyr. Qazaqtar Or­taazııalyq mádenıetke qalaı kelgenin bilý turǵysynda bul - óte qyzyqty joba. Eger barlyǵy iske assa, jyl sońynda bir nátıje shyǵýy múmkin", - dep jazylǵan maqalada.

***

Qazaqstandyq sheneýnikter qyzmet kóligimen jolda júrý erejelerin buzyp, aıyppuldardy tólemeıdi, dep habarlaıdy "Ekspress K" gazeti.

Bul týraly Bas prokýrordyń orynbasary Jaqyp Asanov málim etken. «Prokýrorlar Almatyda, Astanada, OQO men Qyzylorda oblysynda memlekettik organdar aıyppuldardy tólemeýdiń 1 238 faktisin anyqtady», - dep habarlady ol. - Muny qyzmettik kólikterdiń júrgizýshileri jasaǵan. Kólik memlekettik qurylymdarǵa tıesili bolǵandyqtan, aıyppuldar solarǵa joldanady. Biz bul aıyppuldardy júrgizýshilerdiń esebinen jaýyp tastaý úshin qadaǵalaý aktisin jasadyq", - dep jazylǵan atalǵan maqalada.

Prokýrordyń aıtýynsha, mundaı bassyzdyqty joıý úshin árbir memlekettik qurylymda bul máselemen aınalysatyn jaýapty adamdy taǵaıyndaý qajet.