Elbasynyń qatysýymen Qazaqstan halqy Assambleıasynyń XIH sessııasy ótedi
Assambleıa málimetine qaraǵanda, onyń jumysyna barlyq óńirlerden respýblıkalyq jáne aımaqtyq etnomádenı birlestikterdiń basshylary, Parlament depýtattary, sondaı-aq ortalyq atqarýshy organdar, saıası partııalar, dinı birlestikter, ÚEU, shet elder dıplomatııalyq mıssııalary basshylary jáne ǵylymı-shyǵarmashylyq ıntellıgentsııa men BAQ ókilderi qatysady.
Sessııa sońynan saltanatty kontsert uıymdastyrylady.
QHA XIH sessııasy qarsańynda sol kúni Táýelsizdik saraıynda Qazaqstan Respýblıkasynyń Memlekettik hatshysy Muhtar Qul-Muhamedtiń qatysýymen Assambleıa Keńesiniń keńeıtilgen otyrysy ótedi dep kútilýde. Onda QHA-nyń orta merzimge arnalǵan birqatar ózekti máseleleri qaralatyn bolady.
Aıta keteıik, 1995 jyly 1 naýryzda Qazaqstan Respýblıkasy Prezıdentiniń Jarlyǵymen qurylǵan Qazaqstan halqy Assambleıasy memlekettik ulttyq saıasat júıesinde ortalyq oryndy alyp otyr. Álemniń eshbir elinde balamasy joq azamattyq qoǵamnyń biregeı ınstıtýty búginde shyn máninde halyq dıplomatııasynyń organy. Óziniń 17 jylǵy jumysynyń nátıjesinde Assambleıa ortalyq jáne jergilikti atqarýshy bılik organdarynyń etnosaralyq damý máseleleri boıynsha jumystaryn úılestirýshi retinde tanyldy. Bul etnosaralyq kelisimdi aqparattyq, bilim berý, tárbıelik, quqyqtyq, sondaı-aq halyqaralyq qamtamasyz etýdi qamtıtyn qomaqty jumys.
Búginde 88 jalpy bilim beretin ulttyq mektepterde bilim berý etnos tilderinde júrgizilýde. 195 etno-aǵartý keshenderi men lıngvıstıkalyq mektepter ashylyp, jumys jasaýda. 108 mektepte 22 etnostyń tilderi jeke pán retinde oqytylýda.
