Elbasynyń atyna Astana kúnine jáne týǵan kúnine oraı hattar men jedelhattar kelip tústi
Nursultan Nazarbaevtyń atyna shetel memleketteri men úkimetteri basshylarynan, halyqaralyq uıymdardyń jetekshilerinen, dıplomatııalyq korpýs jáne zııaly qaýym ókilderinen, dinı birlestikterdiń kóshbasshylarynan, memlekettik organdar men kommertsııalyq kásiporyndardyń basshylarynan, sondaı-aq, kóptegen qazaqstandyqtar men shetel azamattarynan keń aýqymdy hattar kelip tústi.
Shetel memleketteri men úkimetteriniń jedelhattarynda Elbasynyń odaqtastyq jáne strategııalyq seriktestik qatynastardy damytý isine sińirgen eńbegi, sondaı-aq búkil qurlyqta tatý kórshilikti, turaqtylyq pen qaýipsizdikti qamtamasyz etýge qosqan úlesi erekshe atap kórsetiledi. Mundaı jedelhattar Reseı Federatsııasynyń Prezıdenti Vladımır Pýtınnen, Qytaı Halyq Respýblıkasynyń Tóraǵasy Sı Tszınpınnen, Ózbekstan Respýblıkasynyń Prezıdenti Shavkat Mırzıeevten, Qyrǵyz Respýblıkasynyń Prezıdenti Sooronbaı Jeenbekovten, Tájikstan Respýblıkasynyń Prezıdenti Emomalı Rahmonnan, Belarýs Respýblıkasynyń Prezıdenti Aleksandr Lýkoshenkodan, Ázerbaıjan Respýblıkasynyń Prezıdenti Ilham Álıevten, Túrikmenstan Prezıdenti Gýrbangýly Berdymuhamedovten, Armenııa Respýblıkasynyń Prezıdenti Armen Sarkısıannan, Serbııa Respýblıkasynyń Prezıdenti Aleksandr Výchıchten, Moldova Respýblıkasynyń Prezıdenti Igor Dodonnan, Koreıa Respýblıkasynyń Prezıdenti Mýn Chje Innan, Reseı Federatsııasynyń Premer-Mınıstri Dmıtrıı Medvedevten, Armenııa Premer-Mınıstri Nıkol Pashınıannan keldi. Shetel memleketteri jáne úkimetteri basshylary Nursultan Nazarbaevty týǵan kúnimen quttyqtap, onyń Elordany jáne búkil Qazaqstandy qarqyndy damytý isindegi baǵa jetpes róline toqtaldy.
Nursultan Nazarbaevtyń halyqaralyq arenadaǵy qyzmetine memleketaralyq jáne sheteldik uıymdar men qurylymdardyń basshylarynan Astana kúnine jáne týǵan kúnine oraı kelgen quttyqtaý hattarda da joǵary baǵa berilgen. Solardyń qatarynda Eýrazııalyq ekonomıkalyq komıssııa alqasynyń tóraǵasy T.Sarkısıan, TMD atqarýshy hatshysy – atqarý komıtetiniń tóraǵasy S.Lebedev, Ujymdyq qaýipsizdik týraly shart uıymy bas hatshysynyń mindetin atqarýshy V.Semerıkov, Memleketaralyq avıatsııalyq komıtet tóraǵasy T.Anodına bar.
Reseı Federatsııasynyń, alys-jaqyn shet elderdiń memleket jáne qoǵam qaıratkerlerinen de izgi tilekke toly kóptegen quttyqtaý hat kelip tústi. Qazaqstannyń Tuńǵysh Prezıdentiniń Qazaqstan memlekettiligin qalyptastyrý jáne damytý isindegi tarıhı rólin óz hattarynda Tatarstan Respýblıkasynyń Prezıdenti R.Mınnıhanov, Reseı Federaldyq jınalysy Federatsııa keńesiniń tóraǵasy V.Matvıenko, Reseı Federaldyq jınalysy Memlekettik dýmasynyń depýtaty V.Resın, Saratov oblysynyń gýbernatory V.Radaev, Baıqońyr qalasy ákimshiliginiń basshysy K.Býsygın, Bashqurtstan Respýblıkasy basshysynyń mindetin ýaqytsha atqarýshy R.Habırov, Orynbor oblysy gýbernatorynyń mindetin ýaqytsha atqarýshy D.Pasler, Tatarstannyń Tuńǵysh Prezıdenti M.Shaımıev, Horvatııanyń burynǵy Prezıdenti S.Mesıch, Eýrazııalyq ekonomıkalyq qoǵamdastyqtyń burynǵy bas hatshysy T.Mansurov, Ýkraınanyń burynǵy Prezıdenti L.Kýchma, Kamenskoe qalasynyń basshysy A.Beloýsov, Gagaýzııa avtonomdy aýmaqtyq qurylymnyń basshysy I.Vlah, Kásipodaqtardyń jalpyǵa ortaq konfederatsııasynyń bas hatshysy P.Şerbakov, «MIR» memleketaralyq teleradıo kompanııasynyń basshysy R.Batyrshın, «TASS» aqparat agenttiginiń bas dırektory S.Mıhaılov, Reseı Federatsııasynyń eńbek sińirgen ártisi A.Tsoı atap ótti.
Nursultan Nazarbaevtyń atyna qazaqstandyq jáne sheteldik isker toptar ókilderinen joldanǵan quttyqtaý hattarda aıtýly ekonomıkalyq jetistikter ǵana emes, sonymen birge oń ózgerister jolynda Qazaqstan halqyn jumyldyryp, qoǵamdyq kelisimge negizdele júrgizilgen tıimdi saıasat týraly aıtylǵan. Elbasynyń týǵan kúnine jáne Astana kúnine baılanysty óz quttyqtaýlaryn «ERG» kompanııasynyń quryltaıshylary A.Mashkevıch, P.Shodıev jáne A.Ibragımov, «Kegoc» AQ basqarmasynyń tóraǵasy B.Qajıev, «KazzincHoldings» JShS-i dırektorlar keńesiniń tóraǵasy N.Popovıch, «MabetexGroup» kompanııasynyń prezıdenti A.Pakollı, «ArcelorMittal» AQ bas dırektory P.Kalon, «AccessIndustriesCIS» kompanııasynyń basshylary L.Blavatnık, S.Karpýhovıch, «ARETI» halyqaralyq kompanııalar tobynyń prezıdenti I.Makarov, «Gazprom» JAQ basqarmasynyń tóraǵasy A.Mıller, «Gazprom neft» JAQ basqarmasynyń tóraǵasy A.Dıýkov, «Rosatom» memlekettik korporatsııasynyń bas dırektory A.Lıhachev, «Sberbank» JAQ basqarmasynyń tóraǵasy G.Gref, «Bank VTB» JAQ basqarmasynyń tóraǵasy A.Kostın, «Rosneft» kompanııasynyń burynǵy basshysy S.Vaınshtok, «Rosnano» AQ basshysy A.Chýbaıs joldady.
«Enı» kompanııasynyń bas atqarýshy dırektory Klaýdıo Deskaltsı óziniń quttyqtaý hatynda: «Bul – Qazaqstan Respýblıkasy úshin erekshe kún. Siz ózińizdiń búkil kásibı ómirińizdi óz elińizge qyzmet etýge arnadyńyz. Sizdiń kóshbasshylyǵyńyzdyń jáne kóregendigińizdiń arqasynda Qazaqstan ekonomıkalyq ósimniń jańa joldaryn tabý jáne halyqaralyq turǵydan tanylý isinde zor jetistikke jetti», – dep jazǵan.
Elbasynyń atyna joldanǵan kóptegen quttyqtaýlar elimizdegi ortalyq memlekettik organdardyń basshylarynan, oblystardyń ákimderinen, depýtattyq jáne dıplomatııalyq korpýs ókilderinen, ulttyq kompanııalar men basqa da memlekettik mekemelerdiń, kásiporyndar men uıymdardyń basshylarynan kelip tústi.
«Halyq qaharmany», armııa generaly, «Qarýly Kúshterdiń ardagerleri» respýblıkalyq qoǵamdyq birlestigi ortalyq keńesiniń tóraǵasy M.Altynbaev óziniń quttyqtaý jedelhatynda Elbasynyń Qazaqstandy jáne halqymyzdy áleýmettik-ekonomıkalyq turǵyda dáıekti damytý isine sińirgen eńbegin erekshe atap ótken.
Nursultan Nazarbaevtyń týǵan kúnine jáne Astana kúnine oraı Bas múftı Serikbaı qajy Orazdan, Qazaqstandaǵy Pravoslav shirkeýiniń basshysy ári Astana jáne Qazaqstan Mıtropolıti Aleksandrdan, Oral jáne Aqtóbe Arhıepıskopy Antonııden quttyqtaý hattar keldi.
«Sizdi Qazaqstanda jáne búkil álemde ómirin Otanyna qyzmet etýge arnaǵan dana saıasatker jáne asa kórnekti memleket qaıratkeri retinde biledi. Respýblıkanyń saıası, ekonomıkalyq jáne mádenı áleýetiniń artýy – Sizdiń eren eńbegińizdiń jemisi. Siz kóp jyl boıy abyroımen adal qyzmet ettińiz.
Siz Qazaqstan halqynyń shynaıy súıispenshiligi men senimine ıe boldyńyz. Halyq Sizdi tolyq qoldaıdy ári Sizdiń beıbit ómir men turaqtylyqty nyǵaıtýǵa, áleýmettik ınfraqurylymdy damytýǵa jáne qoǵam ómirindegi dástúrli rýhanı-adamgershilik qundylyqtardy ornyqtyrýǵa baǵyttalǵan saıasatyńyzdy jalǵastyrady», – delingen mıtropolıttiń jedelhatynda.
Qýatty Qazaqstan qol jetkizgen jetistikterdiń Nursultan Nazarbaevtyń esimimen baılanysty ekendigi bilim jáne ǵylym salasynyń qaıratkerlerinen jáne mekemelerinen kelgen hattarda aıtylǵan. Solardyń ishinde akademıkter S.Qırabaev pen Á.Beısenova, Qazaqstannyń halyq ártisi, Qazaq ulttyq óner ýnıversıtetiniń rektory A.Musaqojaeva, ál-Farabı atyndaǵy Qazaq ulttyq ýnıversıtetiniń rektory Ǵ.Mutanov, Abaı atyndaǵy Qazaq ulttyq pedagogıkalyq ýnıversıtetiniń rektory T.Balyqbaev, Qaraǵandy memlekettik tehnıkalyq ýnıversıtetiniń rektory M.Ibatov, Qazaqstan-Amerıkandyq erkin ýnıversıtetiniń prezıdenti E.Mambetkazıev, Reseı jaratylystaný akademııasynyń professory M.Óteýbaev bar.
Elimizdiń jáne sheteldiń azamattarynan da izgi tilekke toly kóptegen quttyqtaý hattar keldi. Atap aıtqanda, jyly lebizderin Hasanǵalıevter otbasy, Batys Qazaqstan oblysynyń eńbek ardagerleri jáne Qazaqstan halqy assambleıasynyń músheleri J.Aqbaı, A.Baqtygereeva, N.Esqalıev, S.Kachalo, A.Esenǵalıev, D.Saratov, Nur-Sultan qalasynyń turǵyndary Rogalevter otbasy, S.Esimbaı, Almaty qalasynyń turǵyndary T.Ábdikenov, S.Úsenov, Shymkent qalasynyń turǵyny B.Bektýreev, Taldyqorǵan qalasynyń turǵyndary V.Býkov, S.Bolshakova, Óskemen qalasynyń turǵyny O.Vıdova, Mınsk qalasynyń turǵyny V.Ivanovskıı, Qazaqstannyń menedjment, ekonomıka jáne boljamdaý ınstıtýtynyń stýdenti A.Aıtqojına jetkizgen.
Nursultan Nazarbaev óz atyna kelip túsken hattarmen tanysyp shyǵyp, barlyq avtorlarǵa jyly lebizderi men quttyqtaýlary úshin rızashylyǵyn bildiredi.
