Elbasy jylýy: Almatyda turmysy tómen otbasylarǵa azyq-túlik taratyldy

ALMATY. QazAqparat – Almatyda «Elbasy jylýy» qaıyrymdylyq aktsııasy aıasynda Qazaqstan uıǵyrlarynyń respýblıkalyq etnomádenı ortalyǵy músheleri turmysy tómen jáne kópbalaly otbasylarǵa áleýmettik kómek kórsetti, dep habarlaıdy QazAqparat tilshisi.

Ortalyq ókilderi 40 otbasyna azyq-túlik jıyntyǵyn taratty. Atap aıtar bolsaq, onda un, kúrish, makaron ónimderi, kúnbaǵys maıy bar.

«Biz Naýryzbaı aýdanynyń turǵyndaryna azyq-túlik ónimderin tarattyq. Bolashaqta biz bul aktsııany turaqty túrde jalǵastyramyz. Іs-shara osy aýdan ákimdiginiń qoldaýymen Qazaqstan halqy Assambleıasynyń múshesi jáne Qazaqstan uıǵyrlary respýblıkalyq etnomádenı ortalyǵy tóraǵasynyń orynbasary Dolkýntaı Abdýlhalıldyń uıymdastyrýymen ótti», - dedi Naýryzbaı aýdandyq etnomádenı ortalyǵynyń jetekshisi Baqtııar Ismaılov.

Aıta keteıik, 30 sáýir kúni QR Tuńǵysh Prezıdenti Nursultan Nazarbaevtyń bastamasymen «Elbasy jylýy» qaıyrymdylyq aktsııasy bastalǵan edi.