Elbasy Joldaýyn jastar da qoldady
Forým aıasynda QR Prezıdenti N. Á. Nazarbaevtyń Joldaýynyń negizgi baǵyttary men 2019 jyly jarııalanatyn «Jastar jyly» bastamasyna qatysty máseleler talqylanýda.
Forýmnyń maqsatty - jastardy Qazaqstan Respýblıkasy Prezıdenti Nursultan Nazarbaevtyń Joldaýyn jáne memlekettik jastar saıasatyn júzege asyrýǵa belsene qatysýǵa shaqyrý.
«Jastyq - ol ómirde qaıtalanbaıtyn keremet qubylys. Jastyq ol qas-qaǵym sát, sondyqtan onyń múmkindigin óz ýaqytynda paıdalana bilý kerek. Keshegi Joldaýdy men jastarǵa arnalǵan der edim. Elbasy Joldaý barysynda biraz syn aıtty, problemalardy kótere otyryp tyǵyryqtan shyǵýdyń jolyn kórsetti. Jalpy, Joldaýdy júzege asyrýda jastardyń alatyn orny erekshe, óıtkeni osy zalda otyrǵan stýdentter sanaýly jyldardan soń ár sala boıynsha qyzmetke barady, demek bolashaqtyń qamyn búginnen bastaýymyz kerek», - dedi L.N. Gýmılev atyndaǵy Eýrazııa ulttyq ýnıversıtetiniń áleýmettik-mádenı damý jónindegi prorektory Dıhan Qamzabekuly.
Sonymen qatar shara barysynda belsendi jastar Joldaýǵa qatysty oı-pikirlerimen bólisti. Keler jylǵa josparlanyp otyrǵan Jastar jylynda qandaı sharalar atqarylady degen máseleler boıynsha da pikir talastyrdy.
Qoǵamdyq damý mınıstrligi Jastar jáne otbasy isteri komıteti jáne L.N. Gýmılev atyndaǵy Eýrazııa ulttyq ýnıversıteti uıymdastyrǵan forým jumysyna Parlament májilisiniń depýtattary, respýblıkalyq jastar uıymdarynyń kóshbasshylary jáne Astanadaǵy JOO-nyń stýdentteri qatysýda.
Atalǵan forýmnyń qorytyndysy boıynsha Jastar jylyn ótkizý jáne 2019 jylǵa arnalǵan is-sharalar josparyna usynystar ázirlenetin bolady.
