Elbasy Joldaýlary - memleketimizdi ilgeri damytýdyń strategııalyq baǵdary
Al osy baǵyttardaǵy búkil kúsh-jigerdi jumyldyrý, múmkindikterdi shoǵyrlandyrý ári úılestirýge baǵyttalǵan keleli ıdeıalar Memleket basshysynyń osy Joldaýlarynan bastaý alyp jatatyndyǵy da aıqyn. Oǵan bárimiz de kýámiz. Biraq, aǵymdaǵy jylǵy Joldaýdyń jóni bólek bolatyn túri bar. Sebebi, demokratııalyq damýdyń dańǵyl jolyn tańdap alǵan Qazaq eli aǵymdaǵy jyly Parlamentin túbegeıli ózgertip, ony úsh partııaly joǵarǵy zań shyǵarýshy organǵa aınaldyrdy. Al osy saıası túrlengen joǵarǵy organnyń aldynda atqarýy tıisti keleli mindetter bar. Óıtkeni alda búkil álem jurtshylyǵynyń degbirin alǵan daǵdarystyń ekinshi tolqyny kele jatyr. Buǵan qosa sońǵy kezderi elimizde oryn alyp jatqan túrli oqıǵalardyń da, naqty aıtqanda lańkestik pıǵyldaǵy keleńsiz jaıttardyń oryn alǵany da belgili. Demek, Elbasynyń aǵymdaǵy Joldaýynda ekonomıkalyq turaqtylyq, memlekettiń qaýipsizdigin nyǵaıtý, sonymen qatar halyqtyń ál-aýqatyn kóterý maqsattaryn kózdelýi de bek múmkin.
Desek te, ol erteńgi, naqty aıtsaq, 27 qańtardyń, ıaǵnı Memleket basshysynyń dástúrli jyl saıynǵy Qazaqstan halqyna Joldaý arnaý kúniniń enshisinde.
Al ázirshe, QR Prezıdentiniń buǵan deıingi Joldaýlaryna bir sholý jasasaq. Jalpy, eline, halqyna, jurtshylyǵyna Prezıdenttiń Joldaý arnap, memlekettiń aldaǵy kezeńderdegi damýyn jarııa etý keńestik shekpennen shyqqan memleketter turmaq aýyzyn aıǵa bilegen Amerıka Qurama Shtattarynda da bar. Alaıda, N.Nazarbaevtyń tańdaǵan halyqqa Joldaý arnaý túri erekshe ekendigi eshkimge de daý týdyrmas. Máselen, joǵaryda atap ótken AQSh syndy birqatar memleketterdiń basshylary óz Joldaýlaryn búkil halyqqa emes, jekelegen memlekettik ınstıtýttarǵa arnap jatady. Joldaýy naqty bir memlekettik basqarý nemese atqarý organdaryna emes, halyqqa arnaǵanynan-aq Elbasynyń demokratııalyq basqarýdyń biregeı úlgisin tańdaǵanyn baıqaýǵa bolady.
Naqty derek aıtar bolsaq, 1997 jylǵy Memleket basshysynyń alǵashqy Joldaýynda aldaǵy 33 jylǵa arnalǵan maqsattar men mindetterge qol jetkizý jolyndaǵy eldiń aldyndaǵy joǵarǵy mindetterde memleket pen qoǵamnyń qandaı ótpeli kezeńderden ótýi qajettigi egjeı-tegjeıli baıandalǵan bolatyn. Sonymen qatar Elbasy dál osy qujatta «Qazaqstan-2030» strategııasynyń erikti qalyptastyrylǵan emes, naqty ómirdiń ózi usynyp otyrǵan baǵdarlama ekendigin pash etken-di. «Biz ózimizdiń balalarymyz ben nemerelerimizdi olar bizdiń jasymyzǵa jetken sonaý bolashaqta qalaı kórgimiz keledi? Olar barshylyqta ómir súrip, qarny toq, densaýlyǵy myqty ár bilimdi bola ma? Olar jaıly ári erkin qoǵamda ómir súre me? Olar beıtshilikte ómir súre me? Olar ózderiniń jáne balalarynyń qaýipsizdigine senimdi bolyp, kóshelerde erkin júrip, óz múlkine alańdamaıtyn bola ma?. Biz qýatty memleketti jáne bizdiń taıaý jáne alys kórshilerimizben dostyq qarym-qatynasty muraǵa qaldyra alamyz ba? Biz osy qarapaıym, degenmen mańyzdy saýaldarǵa búgin jaýap berýimiz kerek», - degen bolatyn 1997 jyly alǵashqy Qazaqstan halqyna Joldaýynda N.Nazarbaev.
Mine, osynaý kezeńnen bastaý alǵan Elbasynyń qaı Joldaýyn alyp qarasańyz da memlekettiń turaqtylyǵy, damýy, gúldenýi, táýelsizdigin nyǵaıtýy, halyqtyń ál-aýqatynyń artýy, el ekonomıkasynyń nyǵaıýy syndy bárimiz úshin de mańyzdy jaıttardyń qamtylǵanyn baıqaý kez-kelgen azamat úshin qıyn emes. Tipti olar atalǵan qujattardyń «Eldegi jaǵdaı men ishki jáne syrtqy saıasattyń negizgi baǵyttary týraly: Qoǵamdy demokratııalandyrý, jańa ǵasyrdaǵy ekonomıkalyq jáne saıası reforma», «Eldiń jańa ǵasyrdaǵy turaqtylyǵy men qaýipsizdigi, «Erkin, tıimdi jáne qaýipsiz qoǵamǵa qadam», «Eldegi jaǵdaı jáne 2002 jylǵa ishki jáne syrtqy saıasattyń negizgi baǵyttary týraly», «Іshki jáne syrtqy saıasattyń 2003 jylǵa negizgi baǵyttary týraly», «Іshki jáne syrtqy saıasattyń 2004 jylǵa negizgi baǵyttary», «Básekege qabiletti Qazaqstan, básekege qabiletti ekonomıka, básekege qabiletti ult», «Qazaqstan ekonomıkalyq, áleýmettik jáne saıası jedel jańarý jolynda», «Qazaqstan óz damýyndaǵy jańa serpilis jasaý qarsańynda! Qazaqstannyń álemdegi básekege barynsha qabiletti 50 eldiń qataryna kirý strategııasy», «Jańa álemdegi jańa Qazaqstan!», «Qazaqstan halqynyń ál-aýqatyn arttyrý - memlekettik saıasattyń basty maqsaty» atty ataýlarynan-aq eldiń, memlekettiń gúldenýi, halyqtyń baqýatty ómir súrýi úshin arnalǵandyǵyn anyq baıqaýǵa bolady.
Aıtpaqshy, sonaý 1997 jyly halyqqa alǵashqy Joldaýyn arnaǵan Elbasy: «2030 jyly bizdiń urpaqtarymyz budan bylaı álemdik oqıǵalardyń qaltarysynda qalyp qoımaıtyn elde ómir súretin bolady», - degen bolatyn. Aıtqany aıdaı kelgenine bodandyqtan basyn bosatyp, bıik belesterdi baǵyndyryp otyrǵan elimiz kýá. Sol kezeńderde Prezıdent sózderine shúbá keltirip, kúmánmen qaraǵandardyń qarasy az bolmaǵany aıan. Dittegen atalǵan mejege Qazaq halqy 33 jylda emes, bir múshel jastyń ózinde-aq jetti. Oǵan kúni keshe Astanada 56 eldiń basshylary men halyqaralyq uıym ókilderiniń basyn qosqan Sammıt - sonyń aıshyqty aıǵaǵy.
Jalpy, Memleket basshysynyń árbir Joldaýynda eldegi áleýmettik-ekonomıkalyq hám saıası jaǵdaılarǵa obektıvti saraptama qamtylyp, Qazaq eli aldyndaǵy naqty problemalardy eńserý joldary kórsetiledi, ony eńserý jolyndaǵy bılik basyndaǵy basshylardyń josparlarymen qatar olardyń aldynda kútilip otyrǵan keleli mindetteri aıqyndalady.
Demek, aǵymdaǵy jylǵy Elbasynyń Joldaýy da osy joldan taımaýy múmkin. Jalpy, bastapqyda ótken jyldaǵy elimiz jetken jetistikterge keńinen toqtalyp ótetin Memleket basshysy elimizde oryn alǵan problemalardy da bir súzip ótip, Úkimet pen Parlament aldynda naqty merzimi men parametrleri belgilengen tapsyrmalardy júkteıdi.
Qalaı desek te, búkil Qazaqstan halqy N.Nazarbaevtyń kezekti Joldaýyn asyǵa kútip otyrǵandyǵy ras. Al erteń qandaı syndarly sheshimder qabyldanyp jatatyndyǵy ýaqyt enshisinde.
