Elbasy usynǵan bes ınstıtýtsıonaldyq reforma mańyzdy sheshimder qabyldaýǵa baǵyttalǵan - Dúnıejúzi qazaqtarynyń qaýymdastyǵy
«Asa qadirli Elbasy!
Sizdi Dúnıejúzi qazaqtarynyń qaýymdastyǵy atynan saltanatty ulyqtaý rásimińizben quttyqtaımyz!
Sizdiń bastaýyńyzben qazaqstandyqtar jańa bir belesti eńserip, «Máńgilik El» bolý jolynda Sizben birge nyq qadam jasady.
Siz usynǵan bes ınstıtýtsıonaldyq reforma qazirgi zamannyń jańa talaptary jaǵdaıynda beldi bekem býyp, mańyzdy sheshimder qabyldaýǵa baǵyttalǵan.
Mıllıondaǵan qazaq dıasporasy el Prezıdentiniń dana saıasaty nátıjesinde Qazaqstan qoǵamynda turaqty qalyptasqan dostyq pen kelisimge toly kóńil-kúıdi erekshe baǵalaıdy.
Bolashaǵy birtutas ult qalyptastyrýǵa baǵyttalǵan ınstıtýtsıonaldyq reformalardyń tórtinshi baǵyty azamattyq prıntsıpter negizinde qazaqstandyq birtektilikti odan ári nyǵaıtýdy kózdeıdi.
Táýelsizdigimizdiń jáne Sizdiń udaıy qamqorlyǵyńyzdyń nátıjesinde sheteldegi qandastardy elge oraltý jóninde baǵdarlama nátıjeli júzege asyrylýda.
Shetelderde turatyn bizdiń qandastarymyz Tuńǵysh Prezıdenttiń jetekshiligimen júzege asyrylyp jatqan Qazaqstannyń tabystaryna shynaıy qýanady. Olar ózderiniń tarıhı Otanyn árdaıym maqtan tutady jáne onyń gúldenýin tileıdi», - delingen quttyqtaýda.
