Elbasy Túrkııanyń Uly Ulttyq Jınalysynyń Spıkeri Mustafa Shentoppen kezdesti
Kezdesý barysynda Qazaqstannyń Tuńǵysh Prezıdenti eki memleket arasyndaǵy qatynastardyń strategııalyq sıpatyn erekshe atap ótti.
– Bıyl bizdiń elderimiz arasyndaǵy strategııalyq seriktestikke 10 jyl toldy. Eki memleket arasynda tyǵyz saıası qatynastar qalyptasty, onyń ishinde parlamentaralyq jáne vedomstvoaralyq is-qımyl salasynda da damydy. Vızasyz rejım ornatyldy, saýda kólemi ósýde. Ótken jyly bul kórsetkish 2 mıllıard dollarǵa jaqyndady. Eki myńnan astam birlesken kásiporyn quryldy. Eki myńǵa jýyq jas qazaqstandyq Túrkııada bilim alýda. Munyń bári bizdiń qatynastarymyzdyń jaqyndyǵyn bildiredi, - dedi Nursultan Nazarbaev.
Óz kezeginde M.Shentop Elbasyna kezdesý úshin rızashylyǵyn bildirdi jáne Túrkııa Respýblıkasynyń Prezıdenti Redjep Erdoǵannyń jyly lebizderin jetkizdi.
