Elbasy Túrkistandaǵy jańa Mýzykalyq drama teatrdyń ashylýyna qatysty

TÚRKІSTAN. QazAqparat – Elbasy Nursultan Nazarbaev Túrkistanda jańa Mýzykalyq drama teatrdyń ashylý saltanatyna qatysty. Bul týraly Tuńǵysh Prezıdenttiń baspasóz hatshysy Aıdos Úkibaı málim etti, dep habarlaıdy QazAqparat.

Teatrda Elbasy «Shańyraq» mınıatıýrasyn tamashalady. Sondaı-aq Qurmetti qonaqtar kitabyna estelik jazba qaldyryp, BAQ ókilderi úshin brıfıng ótkizdi.

Eske salaıyq, búgin Elbasy Túrkistan qalasyna keldi. Sapar barysynda qaladaǵy saıabaqty abattandyrý nátıjelerimen tanysyp, Qazaq handyǵyna arnalǵan memorıaldyq keshenniń ashylý rásimine qatysty.

Budan bólek, «ıAssy» botanıkalyq baǵynyń damý josparymen tanysty. «Áziret Sultan» tarıhı-mádenı qoryǵy aýmaǵynda ornalasqan etnoaýylǵa at basyn burdy.