Elbasy týraly fılm kınofestıvalderge qatysady

NUR-SULTAN. QazAqparat – Tuńǵysh Prezıdent-Elbasy tulǵasyna arnalǵan «Qazaq. Altyn adam tarıhy» fılminiń rejıcseri Igor Lopatenok kadrǵa kirmeı qalǵan sátter kitap bolyp shyǵatynyn aıtty, dep habarlaıdy QazAqparat.

«Fılmniń segiz epızodyna enbegen sátter boldy. Sondyqtan biz kitap shyǵaramyz, onyń 700-ge jýyq betine óńdelmegen materıaldar kiredi. Jýyq arada osy isti qolǵa alamyz» - dedi Igor Lopatenok BAQ ókilderine.

Rejıser týyndy búkil álem kórermenderine arnalǵanyn, sol arqyly Qazaqstan men onyń kóshbasshysyn tanytý josparlanǵanyn atap ótti.

«Biz Eýropa men Azııadaǵy, Amerıkadaǵy birneshe festıvalge qatysamyz. Men qazir bárin aldyn ala aıtqym kelmeıdi. Biraq konkýrstarǵa qatyspas edik. Óıtkeni kadrda Olıver Stoýn men Nursultan Nazarbaev bolǵanda jetistikke jetý ońaı. Al konkýrsqa fılmniń bıýdjetine aqshany áreń tapqan táýelsiz kınematografıster qatysýy múmkin. Men olardyń eńbegin esh etkim kelmeıdi», - dedi Igor Lopatenok.