Elbasy tamshylatyp sýarýdyń tıimdiligi týraly aıtty

ASTANA. QazAqparat - Búgin «Qazaqstannyń 100 jańa esimi» jeńimpazdarymen kezdesýi barysynda Elbasy Nursultan Nazarbaev elimizde ızraıldik tehnologııanyń arqasynda aýyl sharýashylyǵy damyp kele jatqanyn aıtty, dep habarlaıdy QazAqparat tilshisi.

«Qazaqstan tabıǵı resýrsqa baı. Bul jaman emes, ol bizdiń qorymyz, barlyq ýaqytta da kómektesedi. Degenmen, jerdiń astyndaǵynyń barlyǵy baılyq emes. Ony shyǵaryp, adamdardyń ıgiligine aınaldyrý qajet. Oǵan da ǵylym kerek. (...) 1949 jyly Izraıl memleketi qurylyp, 500 myń evreıdi Palestına jerine aparyp tastady. Ol jerde tas pen qumnan basqa eshteńe joq. Jalǵyz Iordan ózenin eshki kesip óte beredi. Alaıda, búginde Izraıl memleketi qys boıy bizdi qulpynaımen qamtamasyz etip otyr. Olar Jerorta teńiziniń sýyn tuşytyp paıdalanýda. Biz olardan tamshylatyp sýarýdy úırenýdemiz», - dedi Elbasy.

QR Prezıdentiniń aıtýynsha, Ońtústik Qazaqstan oblysy buǵan deıin 1 gektar jerden 20 tsentner qyzanaq alyp kelse, tamshylatyp sýarýdy engizgennen keıin 100 tsentner ónim alýda. Buǵan qosa, sýdy 5 ese az paıdalanady.

«Bizge olar úıretti. Olar - álemdegi eń damyǵan eldiń biri. Ońtústik Koreıada da jer qoınaýynda bir túıir kómir joq. Biraq, baı memleket. Shveıtsarııanyń da jer qoınaýynda eshteńe joq. Bul da baı memleket. Sebebi olar jumystaryna aqyl-oıdy qosa aldy», - dedi Memleket basshysy.