Elbasy SQO jurtshylyǵyn merekemen quttyqtady
Quttyqtaýynda Memleket basshysy elordaǵa jasaǵan erekshe syı úshin rızashylyǵyn bildirip, jedelhat joldady, dep habarlaıdy QazAqparat Soltústik Qazaqstan oblysy ákimdiginiń baspasóz qyzmetine silteme jasap.
«Qurmetti Qumar Іrgebaıuly! Sizdi jáne búkil Soltústik Qazaqstan oblysynyń jurtshylyǵyn Astananyń 20 jyldyǵymen shyn júrekten quttyqtaımyn! Táýelsiz Qazaqstannyń sımvoly sanalatyn bas qalamyzdyń aıtýly mereıtoıy - barsha qazaqstandyqtarǵa ortaq qýanysh. Saryarqa tósine qazyǵyn qaqqan eńseli elordamyzdy turǵyzýǵa búkil halqymyz jumyla atsalysty.
«Óńirlerdiń Astanaǵa tartýy» jobasy aıasynda Soltústik Qazaqstan oblysy da elordaǵa erekshe syı jasady. Uzaq qashyqtyqty qamtıtyn jáne tolyq jabdyqtalǵan velosıped jolaǵy adamdarǵa arnalǵan qaladaǵy zamanaýı ortanyń mańyzdy quramdas bóligi sanalady.
Bul velosıped jolaǵy salamatty ómir saltyn nasıhattap, elordada jappaı sportpen shuǵyldaný úrdisin damytýǵa septigin tıgizetin bolady.
Astanany kórkeıtýge zor úles qosqan Sizge jáne óńir turǵyndaryna shynaıy rızashylyǵymdy bildiremin.
Sizderge zor densaýlyq, baq-bereke tileımin!»,-delingen Elbasynyń quttyqtaýynda.
Aıta keteıik, Soltústik Qazaqstan oblysy elordanyń 20 jyldyǵyna uzaqtyǵy 2,5 km bolatyn velosıped jolaǵyn syılady.
