Elbasy «Samuryq-Qazyna» AQ basqarma tóraǵasy Ómirzaq Shókeevti qabyldady
Bul týraly Aqordanyń baspasóz qyzmetinen habarlady.
Kezdesýde Ó.Shókeev Memleket basshysyna «Samuryq-Qazyna» aktsıonerlik qoǵamynyń bıylǵy 9 aıda atqarǵan jumysynyń qorytyndysy, sondaı-aq transformatsııalaý jáne jekeshelendirý baǵdarlamalarynyń iske asyrylý barysy týraly baıandady.
Atalǵan kezeńde qordyń qarjylyq jáne óndiristik kórsetkishiniń ósimi oń qarqyn alǵany baıqalady. Máselen, onyń tabysy byltyrǵymen salystyrǵanda 15%-ǵa ósti.
Jekeshelendirý baǵdarlamasy aıasynda qor tobynyń 216 nysanyn básekelik ortaǵa shyǵarý josparlanyp otyr. Búgingi kúni ekonomıkany jańǵyrtý máseleleri jónindegi memlekettik komıssııa 133 aktıvtiń satylý ádisin maquldady. Qazirdiń ózinde jalpy quny 7,4 mlrd teńge bolatyn 39 aktıv satylǵan.
Nursultan Nazarbaev «Samuryq-Qazyna» aktsıonerlik qoǵamynyń transformatsııalaý baǵdarlamasynyń tıimdiligin arttyryp, naqty nátıjelerge qol jetkizý qajettigine nazar aýdardy.
Kezdesý qorytyndysy boıynsha Elbasy birqatar tapsyrma berdi.
